COVID-19: Chief minister-in vaccine la; MLA 14 ten COVID-19 vaccine la

Aizawl | March 5, 2021: Nimin khan Mizoram Chief minister Zoramthanga chuan hri danna, COVID-19 vaccine 'Covishield' chu a dawng ve. A rual hian MLA 13 in an dawng ve  a  ni.



Nimin khan MLA 14 – Pu Zoramthanga, Pu Tawnluia, Pu Lalrinliana Sailo, Dr. R.Lalthangliana, Pu Lalchamliana, Pu R.Lalzirliana, Pu K.Lalrinliana, Dr. K.Beichhua, Pu Lalrintluanga Sailo, Pu K.T. Rokhaw, Pu C.Ngunlianchunga, Pu Ramthanmawia, Pu Lawmawma Tochhawng, Pu Zothantluanga ten Vaccination Drive thawh thumna hnuaiah COVID-19 Vaccine first dose Assembly Annex-ah an la.
Mizoram a COVID-19 vaccine hi Covishield a ni a, Serum Institute of India siam a ni.

Chief Minister Pu Zoramthanga chuan vaccine la vek turin mipui a sawm a, invenna tur hmuhchhuah a ni ta chu Pathian malsawmna ropui a ni a, sorkar leh damdawi mi te thu ang zawm zel ni se a ti niin AIR Aizawl chuan a puang.

Home Minister Pu Lalchamliana chuan covid Vaccine chu mi zawng zawngin la vek thei se a tih thu a sawi a,
Health Minister Dr R Lalthangliana chuan vaccine a la chu ngaihthatthlak a tih thu a sawi a, intihluihna a ni lo chungin Chief Minister  hova vaccine an la chu lawmawm a tih thu a sawi a, kum 60 hnuai lam tan pawh tih theih thuai an in beisei tih a sawi a ni.

Post a Comment

He post chungchanga i ngaihdan lo sawi ve rawh:

Previous Post Next Post