Aizawl | March 5, 2021: Mizoram Assembly Budget session kal mekah nimin khan Land Revenue & Settlement Minister Pu Lalruatkima’n Mizoram University Southern Campus hmun tur tihfel a la nih loh thu zawhna chhangin a sawi.
Mizoram University Southern Campus hmun atan Pukpui VC ram chhung, Mausep ram chu Higher & Technical Education deptt. leh Pukpui VC ten an thlang tih sawiin Minister chuan, sorkar ram ruak, mimal ram nei awm lohna nia hriat a nih avangin dan anga Land lease dil tura H&TE deptt. hmalakna nghah mek a ni, a ti a. MZU Southern Campus din tur hian theihtawpa an bawhzui thu leh ram chu an inpekfel theih thuai a beisei thu a sawi bawk.
Minister hian Zokhawsanga Assam Riffles ram zau zawng chu hectare 524-a a nih thu leh kum 2006-ah Land lease siam a nih thu a sawi bawk a. Assam Riffles insawnna turah Mizoram sorkarin a mawhphurhna - kawng siam, electric leh tui supply chu tha taka a zawh vek tawh thu pawh sawiin, an harsatna pakhat nia lang chu contractor lam hna muang a ni a ti a. Assam Rifles te chu reiloteah an chhuah theih mai a rin thu a sawi bawk.
- AIR Aizawl
Post a Comment
He post chungchanga i ngaihdan lo sawi ve rawh: