Electric power chhit man 41.92% a tihsan turin ruahman

Aizawl | March 19, 2021: Joint Electricity Regulatory Commission (JERC) for Manipur and Mizoram bul tumin vawiin khan Aijal Club-ah kum 2011- 2022 atana Power & Electricity Department in electric man a bithliah chungchanga mipui ngaihdan lakna neih a ni a. State Advisory Committee Chairman Er.Lalchharliana Pachuau-in Public Hearing hi kaihruaiin NGO leh pawl hrang hrang aiawh te an tel a ni.


Public Hearing ah hian P&E Department officer ten power point presentation hmangin power pek chhuah kawnga department ruahmanna siamte chu electric eng chhit man tihsan a tulna chhante nen mipui hnenah an sawifiah.

Kum 2021-2022 chhunga P&E department inenkawlna tura sum mamawh zat chu vaibelchhe 659.58 a ni a. Power chhit man tihsan atanga sum hmuh chhuah beisei zat chu vaibelchhe 485.31 niin department sum mamawh indaihlohna phuhruk na tura sawrkar atanga hmuh beisei zat chu vaibelchhe 174.27 a ni a. Electric power chhit man hi za zela 41.92% a tihsan turin ruahman a ni.

Vawiina mipui aiawh kal khawm zingah ZPM political party chauhvin power tariff tihsan chungchang ah hian ziakin an ngaihdan Commission ah an thehlut a. JERC chuan Covid 19 hripui vanga mipuite harsatna tawh mek hre rengin mipui tan phurrit tlem thei ang ber tura eng chhit man tihsan a nih a beisei a ni.

Post a Comment

0 Comments