Aizawl | March 11, 2021: Tawrhna leh manganna phena inunauna thinlung lo lang chhuak thin hi a lawmawm a, kan tawrhna leh mangan lai hi unau kan nih zia lantirna hun tur a ni reng a ni.
Burma-ah Zohnahthlak unau-ten harsatna an tawh mek laiin Aizawl a T Shirt siamtuy pakhat NATIVES CIRCLES chuan zofate tan tiin nula kum 19 mi lek. March 3 a nunna chan ta Ma Kyal Sin, 'Angel' tia hriat larin a thih nia a hak, 'T Shrit duma 'Everything Will Be OK' ang chu siam vein he t shirt an hralhnaa sum hmuhte hi BURMA rama zofate tan an thawn dawn a ni.
T Shirt hi cheng 350 a zawrh niin, Burma lama kan unaute tanpuina atan lo dawr ve rawh le.
Natives Circles chuan, "He Tshirt hralhna a Pawisa lolut te hi Myanmar lama Chin Unaute leh Ma Kyal Sin tan Zo hnahthlak te kaltlangin donate vek tur a ni a. In Size lo sawi ula kan lo thawn ang che u. Tin aman hi Rs 350 ti mahila, donation anih angin a aia to pawhin Democracy leh Zalenna hmingin Myanmar mipui leh Ma Kyal Sin tan a lei theih bawk e. Gpay/ Bank Transfer a theih vek e. Kan thawn thei a, kan Deliver thei bawk." tiin an instagram account-ah an tarlang.
Natives Circles chuan, "Donation anih dawn avangin Kan Tshirt, kan logo chuang kan hmang duh lo a, kan Label pawh kan bel duh lo bawk a. He Tshirt hralhnaah hian hlèp pakhatmah kan nei dawn lo chu thuhran, a thlawnin kan Plastisol Ink kan hmang char char zawk a ni." an ti a.
"A hminga donation han kalpui takah chuan tlem tham deuh han thawn chhoh ve ting tang kha kan tan pawn zahthlakna chin a awm ve a, chuvang chuan hma min lakpui zel kan ngai tak zet zet a, kan rawn sawm bawk a che u. Myanmar, zalenna leh Mipui rorelna hmingin 🙏" tiin Natives Circles Instagram-ah post an siam a ni.
Post a Comment
He post chungchanga i ngaihdan lo sawi ve rawh: