Burma zalenna duhtu Biakthanga'n kein Kawlkulh thleng ta!

Aizawl | March 25, 2021: Burma zalenna leh remna leh muanna duhtu, Burma Sipai te thil tih dan duh loh avanga Lawipu, Aizawl aṭanga Zokhawthar thleng 'Peace for Burma' tih thuziak keng chunga Long March beitu Pu Biakthanga chuan zanin dar 7 vel khan Kawlkulh a thleng ta.


Biakthanga hi zanin Kawlkulhah riamin naktukah a kawng zawh hi a chhunzawm leh dawn nii thudawnna chuan a tarlang.


Biakthanga hi Nu hoin an lo hmuak luih luih a ni.


Thlalak hi Dulte nu hoin an lo hmuah lai thlalak a ni.


Biakthanga hi tarlan tawh angin, March 23 thawhlehni khan Lawipu, Aizawl aṭangin a chhuak a, ni thum chhungin km 120 chuang a kal tawh a. Ni khatah 40km kal zel ang a ni a.  Lawipui aṭanga teh dawn phei chuan hei ai hian a km a la tam mai thei.

Biakthanga hi Zophai buai-ah pawh, MZP zingah ram tana che chhuak, hliam na tak tuar kha a ni.


Pu Biaka hi 2014 MZP Longmarch Aizawl to Tuipuibari MZP in an huaihawtah pawh a lo tel tawh. Borapansury-a Zofate Chawlhbuk sakah te, Ram leh Hnam Issue-ah chuan sawm chawp ngai lovalo tel thin a ni a. MZP tan leh ram leh hnam tana mi hlu a ni.

Post a Comment

0 Comments