Aizawl | March 31, 2021: Mizo Film hmuhnawm leh en hlawh tak tak siama lo hlawhtlinpui tawhtu Mapuia Chongthu-in a siam Mizo Series 'Bangla No. 9' chu tlangzarh a ni a, tlangzarh a nih atangin sawi a hlawhin en a hlawh cher cher hle a ni. He film hi Lersia Play leh Lersia.com atangin episode tinah kuhva pack khat man zat lek chawia en theihin an chhawp chhuak a ni.
Sum tam tak senga an buatsaih Mizo film hrang hrangte hi cheng tlemte chawiin lo en ve la, film industry hmasawnna-ah tha i thawh ve tihna a ni mai!
Bangla No. 9 (Episode 1) chu mi zawng zawng en theih turin youtube-ah an chhawpchhuak a, en chhunzawm zel tlaka in ngaih chuan Lersia Play ah en theihin a awm a, tin computer (PC leh Laptop) atanga en duh tan Lersia.com ah en theihin a awm bawk e. YT Link: https://youtu.be/ng0mGgmGJLA
Bangla No. 9 film hmuhnawm taka changtute hi Lalrina Chawngthu, Miss Zofa International 2018 leh Miss Mizoram 2020 finalist C Lalhmangaihzuali (a chanchin hetah kan dah e) leh BCM Choir member hlui Duati Ralte te niin, anni bakah hian Lalduhawma, Eddie Tochhawng, Francis Vanlalruata, Michael Lalremsanga, Thatea Bawitlung, Isaac Lalchhanpuia, Remruata Kawlni, K Lalthanpuia, Laltlanpuia, marina Pachuau, Amtei Chinzah, Abraham Vanlalrohlua, Ramdina leh Lalremruata te an inlan a ni.
Script hi Dr Zarzosanga ziah niin, Screenplay & Director of photography Mapuia Chongthu, Camera Samuel Chhangte leh Mapuia Chongthu te an ni.
Mizote tana film hmuhnawm tak tak lo tichhuak tawhtu Leitlang pictures kutchhuak hi a hmuhnawm lo thiang lova, en manhla tak a ni ngei dawn tih hriat hmasak nghal tur a ni.
A thawnthu chu:
Mizoram chhim lam thingtlang khaw pakhat daifémah chuan bangla no.9, chanchin mak leh dangdai tak mai nei chu a awm a. He bangla awmna khuaa cheng te tan chuan bangla no.9 chanchin mak leh râpawm tak chu an titi tui ber a ni. Chu banglaa khualzin riak thin te chuan mumang rapthlak tak tak an nei thin a. Tin, bangla leh a chhehvelah te chuan thâwm mak tak te an hriat thin bakah, thlâ an hmu thin niin an sawi a. Chung thil thleng thin te chu kum eng emaw zat liamtaa chu bangla bula thil thleng nia an sawi nen chuan inzawmna thûk tak a nei niin an sawi thin.
Mizoram chhim lam thingtlang khaw pakhat daifémah chuan bangla no.9, chanchin mak leh dangdai tak mai nei chu a awm a. He bangla awmna khuaa cheng te tan chuan bangla no.9 chanchin mak leh râpawm tak chu an titi tui ber a ni. Chu banglaa khualzin riak thin te chuan mumang rapthlak tak tak an nei thin a. Tin, bangla leh a chhehvelah te chuan thâwm mak tak te an hriat thin bakah, thlâ an hmu thin niin an sawi a. Chung thil thleng thin te chu kum eng emaw zat liamtaa chu bangla bula thil thleng nia an sawi nen chuan inzawmna thûk tak a nei niin an sawi thin.
Tum khat chu bangla no.9 ah chuan tlangval pahnih hi an rawn riak ve ta a. An hmaa khualzin te thil tawn râpawm tak leh mangchhia te thleng chuan an rawn tawng ve ta a. Mahse, tlangval pahnih zinga pakhat zawk chuan, khualzin dang te ang lo takin, chu banglaa thil thleng leh nula thlâ niawm tak an hmuh thin te phênah chuan eng emaw tak inthup a awm q ring tlat a, a thianpa in ngaihven zui lo tura nasa taka a ngên chung pawhin chu tlangval chuan chung thil thleng zawng zawng phêna thil awm chu zawn chhuah ngei a duh ta tlat a. Hmasang Mizo te chuan mihring kan han thih hian, kan thlarau hi a dam laia a hna zawh loh te zo fel turin thla eng emaw zat chhung chu mihring te khawvelah a la châmbáng thin a, a hna a zawh fel hnuah mitthi khuaah emaw, pialralah emaw a kal chauh thin niin an ngai a. He kan pi pu te rin dan hi a tak tak a lo ni em ni ang le? Kha hmeichhe thlarau, bangla no.9 leh a kianga rawn inlar thin, thlarau vakvai khan mi nung te hnenah sawi duh eng emaw tak a nei em ni ang? Thudik zawn hna chu a intan ta.
He film hian sawi a hlawhin sawizui a tawng nasa a, "hmuhnawm si, hlauhawm bawk si, en chakawm bawk si," tia sawi an tam hle a ni.
Youtube lam comment:
Awmpui Thinchhia Official: A hmuhnawm bawksia..Hlauhawm bawksia..Zan rei ah en chi ni lo 🤣🤣 ...
Zualtea Khawlhring: Episode zawng zawng ka lei vek a...ka enchhuak vek a...a hmuhnawm turu ania...Lersia play apps ti kha Playstore ah download ula in register ula. In inchhir lo ang ,a thlahrang film phen a thil lungchhiatthlak tak inphum ru vel te pawh a awm ania...lo en vek ru😊😊
Terina Bawlte: Full Episode ka en tawh a, hmuhnawm ka ti hle ani. A changtute thiam lutuk hian a ti hmuhnawm.Tun hma Mizo Film a Dialogue By heart tih hriat lutuk ang te leh chetdan zawng zawng Lemchan tih hriat lutuk ang kha awm ta lo.Tin, Scene zawng zawng hi hmuh nuam tak vek ani..a hmun hma in uluk bakah Camera, Light a fuh em em vek. Thil pakhat lek ka lo sawi ve mai mai chak chu - A changtupa Police Outpost ava kal a Police Constable lo awm nen khan a hnu ah an in hmuh leh khan la in hre ngai miah lo ang khan an lang a, Police pa kha chuan lo la hre viau tur ani..a in um chhuak kha ni sia..😁 Tin, nula ruang kha duh aiin in hmuh awlsam tir.🙊 A tir lam hi zanah kan en tha ngam lo velah.😆 A thu khaikhawmna atan Leitlang Picture leh 02 lam chhuak Film siam hi a hmuhnawm reng mai.
Maii Hmar: Full in ka en zo chiah,a hmuhnawm ṭhak ṭhak hle mai,mahse hriatthiamloh ka nei Sangin Lianmawii bo dan a sawi leh Hminga sawi dan a in ang lo tlat,chuan a tira nula an that lai a lan khan a hmai a thi hnuanga a sana a la bun a,Hminga inpuanna ah khan Daran pawngsual a tuma an in pawh buai lai khan a sana a tla tawh,a tirah thi hnuangin a awma chemte in an vit,Hminga inpuanna ah an pawngsual hnu ah thi em em a awmloh laiin a vit,a hmuhnawm bawk aniang tun ṭum in film zet chu ka lo chik ve khawp mai 😀😀😀😀😀
Mizo Guy: House no 109 tanga ka mi ngaihsan kapa hmel nena in ang em em,mizia leh tawngkam nena in ang em em,pu mapuia film en theia kala dam hi vannei kavan in ti tak em,house no109 film a itongkam tam tak hman phei kha chu kahmang nasa ve thin athen then tunah poh itongkam kala thiam mizo tana ilo piang ve hi ka chhuang fo thin che!
LERSIA.COM chu:
Lersia.com hi Mizo OTT platform hmasa ber niin izom film hmuhnawm tak tak siam tawhtu Leitlang Pictures Production leh Mizoram tana firm tangkai tak mai, awlsam taka tlan phalna dil theihna Mizoram sawrkar tana a thlawna siamsaktu Lailen Consulting Pvt Ltd te kutchhuak a ni.
(A ramhuai ber lo star tlattute tan Miss Mizoram 2020 buatsaih lai vela Explore Mizoram-in a kawmna HETAH hian kan dah e.)
Post a Comment
He post chungchanga i ngaihdan lo sawi ve rawh: