Aizawl| February 1, 2021: WBC World Youth Title Fight chu March 6, 2021 ah Dengthuama Hall, Aizawl-ah neih turin inbuatsaihna a kal mek niin thu dawn a ni.
Mizoram-ah hetiang hun hlu buatsaih vawikhatna a ni a, Mizoram chanchina hun chhinchhiah tlak a ni ngei dawn chiang.
WBC Championship Belt chu America ram atangin Mumbai-ah a lo thleng tawh a, Mizoram Sports Minister Pu Robert Romawia Royte kutah Belt inchuh tur hi nimin Pathianni Khan hlan a ni.
Sports Minister Pu RRRa chuan Mumbai Media ten an zawhna chhangin, “Mizoramah Boxers tha kan nghah a,Professional Boxing lipuia zuanglut ngam pawh an pung zel.Mizoram hi Boxing Hub ah siam kan tum a ni” a ti.
WBC World Youth Title fight ah hian Lalrinsanga Tlau chuan Ghana Boxer Eric Quarm a hmachhawn dawn a ni.
LPS Fight Night-a inhmachhawn turte:
Lalrinsanga Tlau vs. Eric Quarm
Asad Asif Khan vs. Nawid Mohammadi
Joseph Emmangindu vs. C. Lalhruaitluanga
Rakesh vs. Vanlalawmpuia
Mazhar Hussain vs. F. Zoramchhana
Rohit Choudhary vs. Zochhuanawma Fania
Post a Comment
He post chungchanga i ngaihdan lo sawi ve rawh: