Assam inthlanna felfai kalpui a nih theih nana pui turin Cachar DC in Kolasib DC ngen

Aizawl | February 1, 2021: Kolasib district leh Cachar district thuneituten vawiin chawhnu khan Kolasib district DC pisaah inkawmhona hun an hmang a, boruak ralmuang tak hnuaia Assam inthlanna felfai kalpui a nih theih nan Cachar district aiawh a lo kalte chuan thawhhona tha an mamawh tur thu an sawi.


Cachar DC Keerthi Jalli, chuan ramri a boruak ralmuang siamna kawng a DC Kolasib hmalaknaah lawmthu sawiin inthlanna thianghlim leh felfai Assam ram a a awm theih nan dan phalloh bungrua, ruih theih thil leh pawisa tawlh luh ven a tul thu a sawi a, hemi kawngah DC, Kolasib nen thawhhona tha neih a pawimawh thu a sawi.
Cachar DC chuan Assam inthlanpui neih tur atana inpuahchahna kawngah lirthei indaihlohna a nasat thu sawiin, hemi atan hian lirthei ruahman sak theih nise a duh thu DC Kolasib hnenah a thlen bawk a ni. 

Kolasib DC Dr H Lalthlangliana chuan, thawhhona tha nei tur chuan indawrtawnna langtlang tak neih a tul thu a sawi a, ramri a boruak muanawm siam kawngah theihtawp a lo chhuahpui tur thu a sawi bawk a ni.

Deputy Commissioner pahnihte inkawmnaah hian SP, Addl.DC, Addl.SP, Asst. Commissioner, DTO, DIPRO leh official dangte an tel a, ramri a boruak muanawm a awm zel theihna turin thawhhona kalpui dan turte an sawi hova, Cachar district Asst. Commissioner V Aggarwal-in lawmthu sawina huna hmang bawk a ni.

- DIPR

Post a Comment

He post chungchanga i ngaihdan lo sawi ve rawh:

Previous Post Next Post