Serchhip bial bye election atan party pathumin candidate tichiang tawh; Congress-in an sawrkar leh chuan zu zawrh tum tawh lo!

Aizawl | Feb 13, 2021: Congress Party chuan Serchhip Bial Bye Election neih turah an party Secy Pu PC Laltlansanga a din tir dawn a, Nimina an party Political Session ah MPCC President Pu Lal Thanhawla chuan an candidate tur hi a puang a ni.
Puan tawh angin, MNF Party chuan he bial inthlan turah hian an party Vice President leh Lok Sabha MP hlui Pu Vanlalzawma an dintir dawn a, ZPM chuan Pu Lalduhoma an dintir dawn bawk a ni.
Political Party dangin he bial hi an chuh leh chuh loh tur hriat a la nil ova, hetihlai hian inthlan hun tur hi puan a la ni lo.

Mizoram Pradesh Congress Committee President Pu Lal Thanhawlan Congress sorkar kha Zu an zawrh vanga tla an ni tih a sawi.
Nimin khan Congress Party chuan Congress Bhavan-ah Political Session hun an hmang a, Pu Lal Thanhawla chuan zu zawrh chu tha an tih bik loh thu sawiin, in duh an awm reng vanga zu chhia an in aia khuahkhirhna hnuaia zu zawrh mai chu tha an tih zawk thu a sawi a, Kohhran pawisawi an duhlo thu a sawi bawk. 
Pu Lalthanhawla chuan Congress Party-a PAC thukhawm chuan ngun taka an ngaihtuah hnuin an Sawrkar leh a nih chuan Zu an zawrh tawhloh tur thu an rel tih a sawi a ni.

Post a Comment

He post chungchanga i ngaihdan lo sawi ve rawh:

Previous Post Next Post