MZU MA (IMBA) Gold Medalist 2020 Rosy Vanneihliani

Mizoram University (MZU) MA Integrate Master of Business Administration Gold Medalist 2020 Rosy Vanneihliani kan belchiang.


Rosy hi MZU MA Integrate Master of Business Administration (IMBA) ah 78.88% score in Gold Medalist a ni.

Pu Tluangthanga leh Pi Lalrintluangi te fanu Rosy Vanneihliani hi March ni 8 1997 khan a lo piang a, Rosy tiin emaw Tebawih ti a koh ṭhin a ni. Unau pathum niin an unau zinga naupang ber a ni a, an unau hi mipa pakhat leh hmeichhe pahnih an ni. Vanduaithlak takin an unau zinga upa ber leh an unaupa neih chhun hian kum  2005 khan mual a liam san tawh a ni. 


Rosy te hi Chhingchhip Mualpui, Serchhip District-ah chengin an khawsa a, Roman Catholic Kohhran a lawi an ni a, tunah hian St.Peter's Church, Chhingchhip ah an lawi mek a ni. 

Zirna lam :
1.Pawl 1 aṭanga Pawl 10 :
Pawl 1 aṭanga pawl 3 thleng Mizo medium "Number 4 School, Chhingchhip" ah ka kal a, pawl 3 ka pass hian pawl 3 ah tho English medium "St. Peter's Middle School, Chhingchhip" ah min sawn a, pawl 8 thleng ka kal a Pawl 9 aṭanga pawl 12 thleng St. Peter's Higher secondary school, Chhingchhipah ka kal chhuak a. Lehkha thiam thei em em ka nih loh vangin nihna ka nei ngai em em lo a, Pawl 10 hi kum 2013 Second Division-ah ka pass a ni. 
2.Pawl 12 :
Pawl 12 hi St. Peter's Higher Secondary school ah kum 2015 khan 1st Division-ah ka pass chhuak bawk a ni. 
3. Zirna sang zawk zirna hmun leh kum :
Pawl 12 ka pass chhuah hian kum 2015 aṭangin MZU ah ka zir chhun zawm nghal a, BBA hi kum 2018 ah ka zo a MBA hi kum 2020 ah ka zo bawk a ni. Kan course hi Integrated MBA nih vangin kum 3 zir zawh hnuah BBA certificate la in kan duh chuan kan chhuak thei a keimah bik hi chuan course pum in ka zir chhunzawm a ni. 

# I Lehkha zir dan? 
Lehkha  ka zir hi chuan hrethiamlo hian ka zir thiam em em lo a chuvang chuan ka hriatthiamloh lai hi dictionary ah emaw internet tangin (ka  word) hriatthiamloh lai te ka en thin a. Ka thiamsa hi ka ziak chhuak leh vek bawk thin, a dang hi chu Pathian kut ah ka in nghat tawp zel. 

# Harsatna i hmachhawn dan? 
Harsatna  ka tawh chang hi chuan  tawngtai hian min pui berin ka hria a, ka harsatna tawh hi min ti chaklo tu a hman ka tumlo hram hram bawk thin, a engzawng a thil thlir hi a tha inka hria a. Harsatna kan tawk reng dawnlo a, liam hun a awm  ngei ngei dawn tih hi ka ring tlat bawk thin. 

# Gold Medalist i nihna (Subject) leh score zat? 
 Gold medalist ka nihna hi Integrate Master of Business Administration (IMBA) a ni a  78.88% ah ka pass chhuak a ni.
 
# Gold medalist ni tur i beih dan? 
- Gold medalist hi ka chan turah ka dah chhin ngai lo a Pathian malsawmna liau liau niin ka hria a, theihtop a ka lo tih ve tang tang na te Pathianin mal min sawm a tiang din hmun a min dah hi a ropui ka ti in ka phulo  ka intia ka lawm hle bawk. 

Gold Medalist ni tura i beihnaah faculty lamin an ṭawiawm/pui ṭha che in i hria em? 
Gold medalist ni thei tur hian faculty ten min pui tha ka ti a, ka harsatna leh hriatthiamloh lai ka neih pawhin  harsatna awm miahlo in an theih top in min pui thin a, kan faculty zawng zawng te chungah pawh ka lawm hle bawk. 

I Zirna atana i chhungte pawimawhna :
 Hetiang din hmun a ka din theih chhan leh tiang ang a  sang ka zir theihna chhan hi Pathian tih loh ah chuan ka chhungte vang ka ti lo theilo a. Kan chhungkua hi chhungkaw khawsa thei kan ni lemlo a mahse hemi chung hian ka chhungte hian ka zirna a ka mamawh ang zawng zawng min pe theilo in an awm ngailo a, ka chhungte hi zirna ngaisang mi an nih vangin an theih topin min pui a ka zirna tur hun awl ka duhtawk min siamsak bawk ṭhin. 

I zirna atana i ṭhiante pawimawhna :
- Ka zir chhohnaah hian ka thiante hi an pawimawh ka ti ve hle bawk a, kan hriatthiamloh lai te kan sawi ho in min hrilhfiah peih em em bawk a, gold medalist ka ni thei ve ni tih min fuih tu te an nia, ka tan chuan an hlu em em a ni. 


Duhzawng leh ngainat zawngte :
1. Rawng : Green leh white. 
2. Chawhmeh : Bawngsa, sangha leh thlai hnah lam. 
3. Incheina : Comfortable lam hi a nuam ka ti. 
4. Rimawi : Country music. 
5. Mizo ziaktu zingah : Mafaa Hauhnar. 
6. Hla : Hla hi  a hla thu  leh music ka duh chuan   ka duh vek mai. 
7. Hla phuahtu : Lalsangzuali Sailo
8. Teacher : Ka ngaisang vek. 
9. Leader : Ka pa (Nundan kawng min kawh hmuh tu). 


Mize ngainat zawng : Rinawm, Inngaitlawm leh mize nghet nei mi. 
Mize ngainat loh zawng : Mi rinawmlo, Mi chapo leh mi tlawn ching. 

Hobby : Hla ngaithlak leh zai (mahse ka zai thiamlo 😊). 

Relationship : Single lo. 

Kawpui atana duhzawng : Rilru tha, mi zahthiam, rilru nghet nei, zaidam  leh thlamuang tak a ka awm theihna tur. 

Zawhna dang : 
1.  A tello a i awm theihloh : Pathian. 

2. I nun kaihruai tu : Pathian leh ka nu leh pa. 

3. Hringnun a i hlauh ber : Pathian hre lova nun hman. 

4. I tih ngai miahlo tur : Tanpui ngai ka hmuh a tanpui loh. 

5. Mizo tualzal nuna tha i tih : Tlawmngaihna. 

6. Quote : "Thawhrimna zawng zawngah hlawhtlinna a awm a, kaa sawi mai mai erawh chuan tlakranna mai a thlen a ni" 
            Thufingte 14:23. 

7. Mizoram leh Mizo tualzal nun a Mizo hmeichhia te dinhmun : Tun dinhmun ah chuan Mizoram ah pawh hian hmeichhia leh mipa te kan intluk tlang tawh hle in ka hria  a, hmanlai chuan hmeichhia te in chhung sekrek khawih tur a ngaih an nih  vangin hmeichhe tamtak ten an duhzawng te an tih theihloh phah thina tunah chuan zirna leh hna lamah pawh hmeichhia in hma kan sawn a, dinhmun tha zawk te pawh an chang chho zel  in ka hria. 

8. Hnam hmingthat leh chhiat kawngah hmeichhiate mawhphurhna : Hnam hming that leh chhiat ah hian hmeichhia te chauhin mawhphurhna kan nei ka tilo a, mahse hmeichhia te hi kawng engkimah mipa te aiin kan hmingchhiat hma bik avang hian kan inchei naah leh kan mizia ah chuan fimkhur thiam a pawimawh hle in ka hria. 

9. Hnam ziarang chawinun kawng a hmeichhiate mawhphurhna : Kan hnam ziarang chawi nun kawngah hian hmeichhia te hi an pawimawh hle in ka hria a, kan chhungkua theuh bulah mahni hnam zia rang leh hnam thil ngaihhlut dan leh zahthiam dan zirtu tur a ni a, an pawimawh hle in ka hria. 

10. Mizote tan 'fa neih tlem' in zirtir hi ṭul i ti em? 
Mizo te hi hnam tlemte kan ni a, Fa neih tlem in zirtir hi a ngaiin ka hrelo, mahse mahni dinhmuh leh khawsak milh a neih in zirtir erawh tha in ka hria. 


11. Hnam ṭhanmawh bawk nia i hriat? :
Kan hnam thanmawh bawk ber a ka hriat chu mahni hmasialna, thatchhiatna leh teirei peihlohna niin ka hria. 

12. Mizo hnam damna atana kawng awm nia i hriatte?
Tlawmngaihna, Ṭanrualna leh inpumkhatna kan pi leh pu ten an sawi fo tawh hi chhawm nun zel tum ila tha in ka hria a. 

13.  Hnam chhan nan a hmeichhiate ṭangkaina leh mawhphurhna :
Hmeichhia te hi awm nem zawkin lang mahse hnam leh khawtlang ah hian hun pawimawh an chang a, chhungkua uaptu an nih vangin  in fate tan pawh zirtir tu hmasa  ber an ni a, chuvang chuan Mizo nun zemawi te, hnam thil zahthiam leh hlut thiamte, rinawmna leh taimakna pawmawh zia zirtir tu pawimawh tak an niin ka hria.

14. Zirna, khawtlang leh Kohhran hi? :
Engkimah hian a tawk chiah a in hman thiam hi a pawimawh hle in ka hria a, Zirlai kan nih a kan zirna ti chhe tur khawp a in hman vak hi a tha berin ka hrelo a mahse kan theih top a kan zirna ti chhe silo a kan tha thawh ve hi chu a tha  ka ti. 

15.  Khawtlang, kohhran leh nangmah? :
 Pawl 12 thleng chiah kan khua a ka awm a vang hian keimah bik hi chu Khawtlang leh kohran ah hian ka in hmang tamlo hle a ni. Mahse ka zir zawh tawh tak ah chuan theih top a ka theih ang ang a in hman ve hi chu tha ka ti. 

16. Social media leh nangmah :
Social media khawih hi chu tupawh hian nuam kan tih ka ring a, keipawh hian a nuam ka tia  thil hriat zau nan te pawh a tha  ka tia, mahse  ka zirna leh ka thil tih naah min ti thuan awp tu ah chuan ka hmang ngai lem lo. 

17. Mizoram thalai tamtak tlakchham :
 Mizoram thalai tamtak ten kan tlakchham ni a ka hria chu mahni in rin tawkna, tih hram hram na nun, teirei peihloh na, tum chiang leh felfai em em neilo a mi te tha an tih ang tih ve mai ang te hi kan ching thin viau a chuvang chuan amahni in ring tawktak a kan nun theuh hi a pawimawh in ka hria. 

18. Mizo ṭhalaite hian ngaihsan tur dik kan ngaisang in i hria em? 
Mizo te pawh hi kan changkang chho ve zel social media a chak in khawvel kan duh na hmun hmun leh kan duh duh chhiar theih in a awm ta a, heng thil te hian min kaihruai hneh ve hle mai a, kan mizo nun changkan chak dan en hi chuan ngaihsan tur dik ngaisang hi mi tam zawk an awm in ka hria. 


19. Ngaihsan tur dik nia i hriat:
Kristian nun nei tu, mi rinawm, mi inngaitlawm, tanpui ngai theih ang ang a tanpui thin tu te leh engpawh ti a bei hram hram mi hi an ngaihsan awm in an entawn tlak ka ti a ngaisan tur diktak an niin ka hria.

20  Hlawhtlinna tura  pawimawh :
Taimakna, tlawmngaihna, dawhtheihna, ti hram hramna nun neih, mahni hreawm tuar a midangte tan a malsawmna nih leh beidawn loh. 

21. Hloh i hlauh ber : Pathian tel lo Nun

22. Hnam dang nupui/pasal neih hi : Mizo te hi sawi tawh angin hnam lian lo te kan ni a, hnam dang nupui pasal neih hi a ṭha ka tih zawng chu a nilo a mahse mimal duhthlanna pawh a ni thei tho na lai a awm ka ti. 

23. I ṭhalaipuite hnena fuihna:
- Ṭhalai te u, in ṭhatlai hun hi chen ula ni mahsela Pathianin in (kan) chungah ro a rel dawn a ni, tih ang khan kan thatlai hun hi thiam tak leh thianghlim takin chen ila, mahni zawn theuh ah harsatna te beidawn rum rum changte awm mahse Pathian in kan phurh zawh loh hi min phurh tir ngai dawn lo tih ring tlat ila kan hma a thil lo thleng te hausen tak, taima tak leh rinawm takin hma chhawn zel i tum ang u.


EXPLOREMIZORAM.COM i hmuh dan:
EXPLOREMIZORAM.COM hi site tha  leh tangkai tak niin ka hria. Tunlai thil thleng hriat theina zung zung a nia  a mi tamtak  pawn an chhawr tangkai hle in ka hria. In kal zelna turah pawh duhsakna sang ber ka hlan a che u.




(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

Post a Comment

1 Comments

  1. Bts in Country hla anlo sa nimaw Lalrosy🤣🤣💙💙 Love you

    ReplyDelete

He post chungchanga i ngaihdan lo sawi ve rawh: