COVID-19: District pathum-ah hri vei 17 awm mek!

•  Hri vei tamna ber Aizawl district-ah hri vei 11 awm mek!
• District pathum-ah hri vei enkawl lai awm mek!
• District pariat; Siaha, Champhai, Kolasib, Serchhip, Mamit, Saitual, Hnahthial leh Khawzawl district chu hri vei awm lohna district an ni rih.

Aizawl | February 15, 2021: Nimin khan Mizoram-ah hri vei hmuhchhuah thar a awm lo, Nimin khan dam tawh mi 3 in enkawlna hmun an chhuahsan bawk.

Sawrkar thuchhuah tarlan danin, nimin khan Mizoram chhunga TrueNAT laboratory leh RAgT hmanga sample test zawng zawng a negative vek. ZMC laboratory tihfai a nih vangin sample test a awm lo.

Tun dinhmun-ah Mizoram a hri vei hmuhchhuah tawh zawng zawng hi mi 4392 niin, dam tawh mi 4366 an ni a, enkawl lai mi 17 an awm mek a, nunna chan zat hi mi pakua an ni.

Hri vei hmuhchhuah tawh zingah hian Mipa 3214 awmin, Hmeichhia 1178 an ni.

Tun dinhmunah Aizawl-ah hri vei tam berin 11 an awm mek a, Lunglei-ah 3, Lawngtlai-ah 3  an awm bawk a ni.

Siaha, Champhai, Kolasib, Serchhip, Mamit, Saitual, Hnahthial leh Khawzawl district chu hri vei awm lohna district an ni rih.

🔹️Sample test zat :

➡️ TrueNAT test zat: Siaha-14

➡️ RAgT test zat: Aizawl-11, Siaha-9, Mamit-75, Saitual-19