Mizo Idol star Alex Lalchhuankima leh MSU founder president K Laldinthara ten BJP zawm

Aizawl | Feb 19, 2021: BJP Mizoram Pradesh chuan Vawiin khan Atal Bhawan-ah Political Session neiin, MSU Founder president K Laldinthara Khatla Veng,  leh Zonet Mizo Idol 2007 (Top 10) Alex Lalchhuankima, Chawnpui Veng  te chu BJP Mizoram president Vanlalhmuaka'n BJP-ah a lawm lut.

Pu K Laldinthara chuan BJP a zawm chhan a sawiin, "BJP chu sum leh pai leh nihna engmah beisei lovin, Pathian hnenah tawngtaina nen a inhlan chunga lut anih thu a sawi. Pu Laldinthara chuan BJP kal tlanga Mizoram tan, Ram leh Hnam rawngbawl tur a inpe ani tih a sawi a, India ramah BJP chu lian takin a kal mek a, India ramin nasa takin hma a sawn a, BJP hian India ramah hun reitak rorelna an nei dawn a ni a ti. Chuvang chuan tihtak zeta Ram in hma a sawn theihna tur leh tih tak taka Ram leh Hnam tana hna thawk thin Party chu BJP hi a ni tih ka hria a ni," a ti.

"Mi tam takin BJP a i luh chuan i dinhmun a hniam phah ang, i rawngbawlna in a tuar phah ang min ti a, nimahsela India Ram hmangaihtu tak tak chu BJP te hi an ni a, Central BJP Sorkar hmalakna te pawh Mizoram mipui tamtakin atakin kan chhawr tawh a, BJP a ka lut hi ka ti sual lova, Mizoram leh Hnam damna hnathawk turin ka inpe a ni," a ti.

BJP Mizoram State President Vanlalhmuaka chuan thusawiin, BJP Mizoram in AMC Election ah a vawikhat nan Party malin kan chuh ve a, tin Serchhip Bye-Election ah pawh BJP hian amalin kan chuh ve dawn a ni a ti bawk.

Pu Hmuaka chuan Kum 2019 atanga BJP in New Enrolment kan tih atangin AMC Area ah hian Member kan nei lo ang tluk a ni a, Unit leh Block pawh mumal takin kan nei lo a ni. Nimahsela BJP Idealogy leh BJP kalphung puanchhuahna hun tha tak BJP in AMC Election avang hian kan nei thei a, a lawmawmin kan thusawi hria ten BJP kalphung an hre tan chauh a, an mit avar tan chauh in ka hria a ni a ti.

BJP hi nasa taka beih kan nih thinna chu Congress leh MNF in Kum10 danah in lal chhawk hi an tum ber anih vangin, midang lian tur hi an hlau em em mai a, Party dang lian tur lo vuakthluk nan chuan thudiklo leh dawt thu hmanga mipui zirtir hi an pawisa miahlo a, nimahsela Aizawl mipui te hian State dangin Development an neih ang tak tak hi kan Ram a kan neih ve na turin theihtawp kan chhuah zel dawn a, mipui pawh hian Mizoram a Sorkar na lo chelh tawh ten kan thluak an suk dan chu kan hre thei vat dawn a ni a ti.

Pu Hmuaka chuan, AMC Election chu BJP tan hmasawnna Ropui tak ani a, Candidate tha tak tak kan neih te avangin, Unit pawh hmun engemaw zatah kan din thar thei a, Party a lo lut tur lah an awm nual bawk a ni. Tin, Keini chuan Party ah Boruak kan lawmlut ngailova, a tak ngei BJP Office a lo kal emaw, chhungkaw aiawh tal an awm loh chuan kan lawmlut ngai lova, a lem nilo atak chauh buaipui thin Party kan ni. Hmanni a BJP chhuahsan anga puantak mi 126 te ah khan BJP Member pangai tak an lawmluh chu Office Record ah chuan pa 2 chiah an ni a, thingtlang lam an lawmluh te an hming anlo ziah avangin an thinrim hle bawk a ni. Mizoram a Party te hian Dawt in bul tan lo ila, a tak tak chauh hi buaipui ang u a ti.

Pu Hmuaka chuan BJP in Constructive Opposition Role Play hi Mizoram tan kan hnapui ber tur a ni dawn a, Chu chu kan din chhan a ni tih hi Mizoram mipui te pawh hian kan hre dawn a ni a ti bawk.

Inkhawm hi Pu R Vanramchhuanga General Secretary BJP Mizoram Pradesh in a kaihruai a, Pu Malsawmtluanga State GS in AMC Election thirletna hun a nei bawk.