Aizawl | Feb 19, 2021: Melham Reality Buatsaih International Zo Children's Online Talent Show 2020-2021 chu February 17 khan Ignite studio ah Grand Finale neiin a hmawr bawk a ni ta.
He intihsiakna-ah hian Brandon Lalhriatpuia 5yrs Thangthing veng chu Pakhatna a ni a, Phullen khua Daisy Lalrinkimi 11yrs Chu Pahnihna a ni a, Saidingpuia Sailo 8yrs Aibawk Salem veng chu Pathumna a ni.
He hun hi MJA president Zonunsanga Khiangte, chuan khualtha ni in a hmanpui a, 'Mizo Naupang te talent phochhuak leh tiphur thei zawng a Melham Reality ten he show an buatsaih hi a lawmawm ka ti takzet a, Mizo naupang te talent lo neih that zia a takin kan hmu a, Mizoram mai ni lo khawvel huap pawh a talent ropui leh chhuanawm te Mizo naupang ngeiin an lo nei ve reng mai a,Hetiang ang phochhuah theih na hun tha hi buatsaih leh theih zel pawh hi a duhawm hle mai' a ti.
Naupang te hnenah an talent tha tak tak te up bo mai lo va tipung zel turin a fuih bawk a ni.
He talent show ah hian naupang za chuang ten in elna an hmachhawn a, Talent hrang hrang an neih te phochhuah a ni a. Naupang bakah Nu leh pa ten an hlutpui hle a ni.
He inelna hi November 2020 atanga tanin Online hmang a intihsiakna neih a ni a Top 50 thlanchhuah an nih hnu ah Top 20 thlanchhuah leh a ni.Tichuan January 2021 khan Top 10 thlanchhuah a ni leh a 17Feb 2021 chawhnu Dar 1:30 pm khan Ignite studio ah Grand Finale neih ni in, Esther Hnamte Melham Reality Ambassador in a hmanpui . LPS 1 , Seven Cable Network Tahan Myanmar leh Melham Reality YouTube Channel ah te live a pekchhuah a ni.
Post a Comment
He post chungchanga i ngaihdan lo sawi ve rawh: