MISS INDIA 2020 ATÂN TELEGANA STATE AIAWHTU MANASA VARANASI

Aizawl | Feb 12, 2021: Tunkar nilaini zana Hyatt Regency Mumbai a Femina Miss India 2020 Finale neih zawh takah Miss India Telegana Manasa Varanasi chu Miss  India World 2020 atan thlan ni in, Bollywood celebriry tamtak in he hun hi an hmanpui a ni.

Miss India 2020 Grand Finale ah hian Neha Dhupia, Chitrangada Singh leh Pulkit Sharma te bakah Falguni and Shaun peacock te chu judge ni in, he event hi thiam takin Actor Aparshakti Khurana chuan a host bawk a ni. Judge te chuan tun țum Miss India contestant te chu an țhat tlan thu sawiin, a țha ber thlanchhuah harsa an tih thu an sawi a, contestant țha tak tak kumtin state tin ațanga an awm țhin chu lawmawm an tih thu an sawi a ni.

TUNGE MANASA VARANASI?

Femina Miss India 2020 leh Miss World 2020 a India aiawhtu tur atana thlan nibawk Manasa Varanasi hi  Hyderabad ah piangin, kum 23 na ahmang mek a, Ft 5'9 a sâng a ni. Zirna lamah Vasavi College of Engineering atanga graduated in, eizawnna lamah Professional Financial Information Exchange Analyst a mek a ni.

Manasa Varanasi hi a naupan deuh lai chuan mi zakzum tak ni in, chu chuan rimâwi leh lâm lamah nasa lehzual zawkin a insawrbing tira,  Bharatanatyam lâm pawh a thiam hle a ni. Manasa hi thil chik leh zirchiang peih mi tak a ni bawk a, tin,  lehkhabu chhiar leh Yoga te chu a nitin routine a tel ngei ngei țhin a ni bawk

Manasa hian a Nu leh a Pi bakah a pianpui a nâu hmeichhia chu anuna phurna petu leh tichaktu ber an ni tih asawi a, an chhungkaw member nilo ah chuan Miss World 2000 Priyanka Chopra chu angaihsan thu sawiin, Priyanka Chopra chanchin a chhiar  leh a ngaihthlak țhinte chuan hmalam pan tura a fuih nasat thu a sawi bawk.

Manasa Varanasi hi Miss India 2019 leh Miss World Asia nilai mek Suman Rao chuan Miss India Lallukhum hi hlanchhawngin , a ni bakah hian Manika Sheokand Haryna aiawhtu chu Miss Grand India atana thlan ni in, Mania Singh Uttar Pradesh aiawhtu chu Runner up title pek a ni bawk. Manasa Varanasi hian kumin a Miss World 2020-21 thlanna  ah India ai awh dawn a ni.

#MosesNG_BeautyPageantExpertandAnalyst