Mat lui-ah nula tla hlum

 Aizawl | Feb 16, 2021: Zobawk nula kum 19 mi PC Lalhmangaihropuii chu lui-ah tlain a boral.



Thudawnnain a tarlan danin, Nula PC Lalhmangaihropuii (Hmai) D/o PC Lalnihmawia Zobawk vengthar, kum 19 chu vawiin tlai dar 6 (pm) vel khan Mat lui (kawrlungtukah) a tla a. A ruang hi zawn hmuh a ni tawh.


Hmangaihropuii hi ṬKP Ebenezer unit Zobawk, Hosea group te chuan sum tuak hnatlang neiin, chengkawl an khawrh a. Vanduaithlak takin a chesual ta a ni.


Amah hi nula fel tak, kohhran leh khawtlanga inhmang tak a ni a. Zaia rawngbawl ṭhin a ni bawk.



Thudawn danin, Khaw thim hma deuha chaw an fak dawnah PC Lalhmangaihropuii hi a awm ve lo tih an hriatin,  theihtawp chhuahin an zawng nghal a.  An chaw fakna atanga hla lutuk lovah a ipte an hmuh hnuin,  a chhehvel an dap nghal a.  A ipte awmna bul hnaia lungsum chhungah a tla an hmu niin kan thudawnna chuan a sawi.  

An hmuh rualin a nunna chhan tumin theihtawp chhuah a ni na a,  Lalhmangaihropuii hi an chhan zo ta lo tih thudawnna chuan a sawi bawk.  

Hmangaihropuii hi Kohhrana inhmang tak,  Ebenezer Baptist Kohhrana zaia rawngbawl thin,  rawngbawlnaa thahnemngai tak a ni a.  Vawiina TKP Group hnatlangah pawh hian nuamsam lutuk lo chungin a tel niin sawi a ni.


[ Tun hnaiah Luia nunna hlu tak chan an awm nual a, mi tin i fimkhur ṭheuh ang u.]

Post a Comment

0 Comments