AMC ram lei chungchangah MPCC in FIR thehlut

Aizawl | Feb 16, 2021: MPCC Vigilance Committee chuan Lokayukta Chairman hnenah AMC ram lei chungchangah pawisa hmanna felhlel awm nia hriain nimin khan FIR an thehlut.
MPCC ten Lokayukta a an FIR thehluh a point hmasa zawkah chuan Aizawl Municipal Corporation-in AMC Park siam nana Ailawnga mimal ram, cheng nuai 98 a lei anga AMC record a awm chu, midang daih in cheng nuai 40 a dawng nia hriat a ni an ti.
FIR thehluh-a pahnihna ah chuan AMC-ten Sihphir Neihbawi a Solid Waste Mangaement Centre atana mimal ram tho, cheng nuai 64 a lei anga inziakah a ram neitua sawi hian cheng nuai 25 a la a, a dang cheng nuai 39 chu chingpen ta niin a lang a ni an ti.
MPCC Vigilance Committee te chuan heng Ailawng leh Sihphir Neihbawi- a AMC ram lei chungchanga eirukna awm ngei nia lang chu Lokayukta te chuan chhui chhuaka, hrem ngai an awm pawha dan ang taka hremna pe truin thuneitute an ngen tih an sawi a ni.

- AIR Aizawl

Post a Comment

0 Comments