MZU B.Tech (Computer Engineering) Gold Medalist 2020 Jerry Hmingthansanga

MZU B.Tech (Computer Engineering) Gold Medalist 2020 Jerry Hmingthansanga leh EXPLORE MIZORAM inkawmna i tan kan rawn chhawp chhuak e.


Jerry Hmingthansanga hi 
Tlangmawia leh Lallianpuii te fa naupang ber niin, June 6, 199* khan a lo piang a. Zohmun khua-a cheng leh khawsa an ni.

'Amo' tia koh thin Jerry Hmingthansanga hi unau panga zinga naupang ber niin, an unau hi mipa pathum leh hmeichhia pahnih an ni.

Zirna avangin tunah hian Bawngkawn-ah a awm mek a, United Penticostal Church(U.P.C) a lawi an ni.



Zirna Lam:
1. Pawl 1 atanga Pawl 10:
-  Pawl 1 atanga Pawl 10 thleng hi Zohmun-ah  ka kala, Ka titha em em hran ngai  lo, mahse,  Pathian zarah ka fail em ngailo. Pawl 10 hi 2009 khan Zohmun High School atangin ka pass chhuak.

2. Pawl 12 hi:
-  Zohmun Higher Secondary School-ah  Pawl 12 hi Arts Subject la in 2011 khan Second Division-ah ka pass.

3. Zirna sang zawk:
- Pawl 12 ka zawh hian B.A ( Economics) Govt. Hrangbana College-ah ka zawma Pathian zarah Second Class-ah   kum 2014-ah ka zo a, Chuan Three Years Diploma in Computer Science and Engineering(D.C.S.E) NIELIT-ah kum 2017-ah Distinction-ah ka zo leh a,chu mi hnu-ah Mizoram University (School of Engineering and Technology)-ah  B.Tech (Computer Engineering) kum  2017 khan ka  zir chhunzawm a 2020 khan ka pass chhhuak leh a ni.


# I lehkha zir dan?
Class lecture hi ka chhawr em em a, Routine chu ka insiam ve thina mahse zawm a har khawp mai. Lehkha ka zir hmain Bible ka chhiara ka tawngtai hmasa phawt thin,Lehkha Zir Hun bik em em ka neilo a ka hun awl neih erawh lehkha zirnan a tam ber chu ka hmang thin, tin, zir chak loh hun riau hi a awm ve bawk. Chutiang hunah chuan Youtube-ah kan subject kaihhnawih lam lecture ka en\ngaithla thin.

# harsatna I hmachhawn dan?
- Harsatna ka tawh changin a hmasa berin ka tawngtai a, chuan, keimaha chinfel ka tum phawt thin a, a harsat zual chang chuan ka thiante min pui turin ka sawm/ngen thin.

# Gold medalist i nihna (Subject) leh CGPA?
- B.Tech (Computer Engineering),CGPA 8.03

Gold medalist ni tura i beih dan?
- Gold Medalist nih hi ka zir chhung zawng khan ka tum a ni lemlo a, tin Nih tum hian ka bei ngai lo bawk a, Ka phak ang tawka ka hun awl neiha ka lehkha zir leh  ka zir dawn apianga Pathian hnena ka inhlan thin avanga ka beisei phakloh Pathian Malsawmna ka dawn ni mai zawkah ka ngai.

Gold medalist ni tura i beihnaah faculty lamin an ṭawiawm/pui ṭha chein i hria em?
- Sawi tawh ang  khian Gold Medalist nih tumin lehkha ka zir ngai lem lo a. Mahse, an class lecture erawh ka chhawr thin khawp mai. An mi fuihna leh Kan hun kalzel tana  thutha tak tak min hrilh thin erawh a tam thei ang ber zawm ka tum thin.


I zirna atana i chhungte pawimawhna:
- Ka chhungte hian lehkha tha taka ka zir theihna tur a nih chuan engmah ui leh tih hreh anneilo ni berin ka hria,ka mamawh leh pawimawh ka sawi apiang min tihsak/leisak thina ka engkim ani a, Tin  kanu hian tha taka  lehkha ka zir theihnan leh Hriselna tha ka neih theih nan  Pathian hnenah min dilsak thina a chungah ka lawm em em bawk a, a nihna takah chuan min thlawpna  leh min puihna zar liau liau a tun dinhmun hi thleng thei ka ni.

I zirna atana i ṭhiante pawimawhna:
- Materials  tha Youtube video leh zirna kaihhnawih chhiar tur  kan inhrilh tawn a, harsatna ka neihin ka rawn ber an ni a, an mahni vang hian thian tha hlutna ka hrechiang tak zet a ni.


Duhzawng leh ngaint zawngte:
Rawng: Blue, Black
Chawhmeh: Vawksa leh  Bai a awm chuan atawk viau.
Incheina: T-shirt leh Kekawr ,a simple thei bera awm hi a hahdamtlak,
Rimawi: Ulternative Rock
Mizo Ziaktu Zingah: Mafa Hauhnar
Hla: Chun leh Zua (Vulmawi)
Hla phuahtu: Ruatfela Pachuau
Teacher: Sir Muanpuia (NIELIT Lecturer)
Leader:  Lalduhawma

Mize Ngainat zawng:  Mi tawng tlem leh inngaitlawm
Mize Ngainat loh  zawng:  Mi chopa  Leh mahni hmasial.

Hobby:  Movies en leh Thu hotete ziah

Relationship Status: In relationship
Kawppui atan Duhzawng: Mi rilru nghet leh rinawm


Zawhna dang:::
1. A tel lova i awm theih loh:  Pathian, Chuan hmarhcha telloa chuan chaw ei har ka ti hle bawk.

2. I nun kaihruaitu: Lal Isua Krista leh ka beiseina (Dream)

3. Hringnuna i hlauh ber: Ka Mize Hloh, Beidawnna

4. I tih ngai miah loh tur: Mahni insitna leh Rinawm lohna

5. Mizo Tualzal nuna ṭha i tih: Tlawmngaihna leh Aia upa zahna

6.  Quote i duh ber: “Aim for the moon.If you miss, you may hit a star.”

7. Mizoram leh Mizo tualzal nuna Mizo hmeichhiate dinhmun:
- A tha chho tawh viau, Zirna lamah leh Activity hrang hrangahte leh Hnathawh-ah pawh Mizo mipa te Hian kan tluklo tan ni in ka hria.

8. Mizote tan 'Fa neih tlem' inzirtir hi a ṭulin i hria em? 
- Thil tullo tak zawm tlakloh ni in ka hria, Mahse hei chu Pa thutlukna ni rawh se.


9. Mizo hnam ṭhanmawh bawk nia i hriat?
- Kan ngaihsam Lutuk leh Hmanhmawhna rilru kan pu hnem lutuk hian kan nih tur ang emaw kan tum ang kan nih theih loh phah thina, Apawilo mai, ni mai mai rawhse kan tihna hian hmabak min siama chu tak chu kan hnehzo leh ta thinloa hei hian minti thuamawp ni berin ka hria .

10. Mizo hnam damna atana  kawng awm nia i hriatte?
- Mizopa Party ruih chilh kan tam lutukna hian Hmasawnna tur tam takah hmasawn tir theilo in  minsiamin ka hria, thil reng reng Party(Politic) zawnga  lak kan bansana mizo kan nihna zawka kan tanrual apawimawh kati.

11. Zirna, Khawtlang leh Kohhran hi?
- Zirlai kan nih chuan Zirna kan ngaipawimawh hmasa tur ani, Khawtlang leh kohhranah pawh kan inhmang tho tur ania  mahse zirlai kan nih chhung  chuan kan zirlai ti buai thei khawpa in hman erawh tha ka ti lo.

12. Khawtlang, Kohhran leh nangmah:
- Chhuan tur ka awm lem lo khawp mai, Nihna nei khawpin ka inhmang lemlo a, mahse a tul thilah leh activities pawimawh erawh ka ngaipawimawh viau zel.

13. Social Media leh Nangmah:
- Thian kawm nan leh news chhiar nan ka hmang thin.


14. Mizoram ṭhalai tam tak tlakchham:
- Mahni inrintawkna leh tumruhna nena teirei peih.

15. Mizo ṭhalaite hian ngaihsan tur dik an ngaisangin i hria em?
- Social media leh entertainment lama lar ngaisang tawk chu kanla awm zeuh zeuh chungin, Azia chho viau chuan ka hria, Hma kan sawn chhohna lam tak niin ka hria.

16. Ngaihsan tur dik nia i hriat:
- Mahni hna rinawm taka thawk thin leh zahpuilo, Mahni kut ngeia dingthei mipuitling( Enghna pawh thawk ila kan rinawma, mahni thawh chhuah ngeia kan dingchhuak thei anih chuan chu    baka hlu leh mi ngaihsanawm an awm chuang in ka hrelo)

17. Hlawhtlinna tura pawimawh:
- Harsatna  Hmachhawn ngam, tumruhna leh Taimakna.

18. hloh i hlauh ber:
- Mizo nunze mawi

19. Hnam dang nupui pasal neih hi-
- Mizo ka nihna angin Nupui/Pasal tan ngei pawh hian Kan Mizo pui ngei mai nei thei ila ka ti hle, Kan hmu zo ngang lo a nih chuan thu hran nise.

20. I thalaipuite tan fuihna--
-Mahni kut ngeia din tum theuh ila,Harsatna kan tawk a nih pawn a sut kian dan a awm ani tih hria ila theihtawp chhuah in hmachhawn ngam ila,Harsatna hmachhawnlo Mi hlawhtling an awm ringlo ila, tin Beiseina nen hmalam hun tlir ila Tumruhna leh Taimakna hmachhuan theuh  ila, Khawvela mi hlauhawm ber chu Mi Beidawngte an nih tih I hre thar leh theuh ang u.



EXPLOREMIZORAM.COM i hmuh dan:
- Mizo Thalai tan hian website Pawimawh leh tangkai tak a va ni em! Mizo thalaite nunah pawimawhna thuk tak in neiin ka hria.  Hlawhtlina chang chawisan na chang in hriat hian Mizo mipuite nunah in hlutna a ti zualin ka hria. Tin, mi dangte chawimawitu in nihna hian Mizo tana in thawh hlawkzia sawi ngai lovin a lang chiang viauin ka hria.  In kal zelna turah duhsakna ka hlan che u, Kal zel turin ka duh bawk.



Founder/Editor
Explore Mizoram


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

Post a Comment

0 Comments