CS-in Internet kaltlanga project thehluhna leh vil zuina tur hawng

Aizawl | February 6, 2021: Internet kaltlanga project thehluhna leh vil zuina tur Project Management & Evaluation Software (PMES) phase-I chu nimin khan Chief Secretary Pu Lalnunmawia Chuaungo chuan a hawng a, 
PMES hi Planning & Programme Implementation Department leh Information and Communication Technology Department tangkawp buatsaih a ni a, a software hi Mizoram State E-Governance Society siam a ni. 
Ministry of DoNER, North Eastern Council, Mizoram State flagship programme SEDP, State Sawrkar project hrang hrang Planning Department-a thehluh tur te chu PMES kaltlanga thehluh tur a ni tawh dawn a. 
Central Sawrkarin tih leh tih loh tur a bituk te zawm kim loa, format dikloa project thehluh tam tak a awm thin avangin chumi tih bo na tur leh rang zawka hna thawh a nih theih nan he software hi duan a ni. PMES software hi a thawhkhatna niin project proposal submit-na tura duan a ni a. Planning Department in verification leh monitoring an tih zuina tur, PMES phase II hi hun remchangah hawn a ni leh ang.

Post a Comment

0 Comments