COVID-19: January thla chhungin Positive 156 hmuchhuak

Aizawl | February 1, 2021: January thla liam ta-ah khan Mizoram-ah hri vei mi 156 hmuhchhuah an ni. Heng hri vei hmuhchhuah te hi district hrang hrang a hmuhchhuah niin, test na khawl hrang hranga hmuh te an ni hlawm.


He tihlai hian Mizoram chhunga hri vei enkawl, damna chang hi January thla chhungin mi 232 an ni thung.

December 31, 2020 thlenga hri vei hmuhchhuah tawh zawng zawng Janaury 1 a update a lang chu 4216 niin, January 31, 2021 thlenga hri vei hmuhchhuah tawh zat chu mi 4372 an ni.

December 31 thleng khan dam tawh mi 4098 an awm laiin, January 31-ah chuan dam tawh hi mi 4,330 an ni thung a.

January thla chhungin hripui vanga nunna chan mi pakhat a awm bawk a ni. Tunah hian hri vei hmuhchhuah tawh zawng zawng hi mi 4372 niin, dam tawh mi 4330 an ni a, nunna chan hi mi pakua an ni bawk a ni.

Tunah hian hri vei hmuhchhuah tawh zingah hian Mipa hi 3198 niin, Hmeichhi hi mi 1174 an ni.

Post a Comment

0 Comments