Bairabi leh Sairang inkar rel kawng March 2023 ah zawh tum; siam zawh nan cheng vbch 1000 ruahman

Aizawl | February 14, 2021: India sorkarin hmarchhak state te hmasawnna tur atana inkalpawhna tha neihna tur atan Ministry of Railways hnuaiah Bairabi leh Sairang inkar rel kawng siam zawhna turin kum 2021-22 budget-ah cheng vaibelchhe 1,000 a ruahman thu a puang.




 Bairabi leh Sairang inkara rel lian tlan theihna tur kawng siamna senso atan sorkar kum kallai 2020-21 hian cheng vaibelchhe 475 a lo dah tawh bawk a. Ministry of Railways chuan Bairabi leh Sairang rel kawng chu March 2023 ah zawhfel tum anih thu puang bawk. 


March 2023 a zawh fel hman tum, he rel kawng siam hna hi zaa 78 vel zawh a nih tawh thu North East Frontier Railways hotute chuan an sawi a. Lei dawh hna hi lei lian leh lei tenau ah then in, meter 12.2 ai a seite chu lei lian tih an ni a, chutiang chu 55 awmin lei tenau 105 vel a awm bawk a ni. Bairabi leh Sairang inkarah hian rel chawlhhmun pali a awm dawn a, Bairabi, Kawnpui, Hortoki leh Sairang a awm dawn a ni.

- AIR Aizawl

Post a Comment

He post chungchanga i ngaihdan lo sawi ve rawh:

Previous Post Next Post