AMC INTHLAN

- Vidpuia Hrahsel

Kan hma lawkah Aizawl Municipal Corporation inthlan kan hmachhawn leh dawn ta. He inthlan lo awm turah hian Aizawl enkawltu tur kan thlan dawn avangin he inthlan hi a namai dawn lo. Mizoram khawpui ber Aizawl mai nilo, India rama state pakhat khawpui enkawltu tur kan thlang dawn. 

Aizawl in hmasawnna lamtluang a zawh a, a ṭhan chuan kan ram a ṭhang dawn. Candidate tin ten an bial chhung hmasawn dan tur leh ram ṭhan na tur an ngaihtuah a, an theihna zawn ṭheuhah an thil tum a hlawhtlin theih nan theihtawp an chhuah ṭheuh a, ṭhenkhat chuan an tiam mawlh mawlh a, a sawi leh a tak hmuh tur awm chuang si lovin, mi ṭha hnawl khawpa party ruih chilh avanga party mi chauh vote tum te, candidate ding a te, en lova mahni party ruih chilh luat avanga ram kalsiam ṭha zawka rel tur hnawl te kan nih hlauh chuan kan ram ṭhanna tur kawng kan dal a ni. A thawka thawk ṭhin mi, party politics a buai ve lo, midangte tana nun hmang tam, tiam ngawt lova a taka thawktu hi he ram hian a mamawh. 

Kan Politics khelh dan te hi in enfiah a va ṭul tawh em, eizawnna atan politics khel nge kan nih, ram hmangaih avangin? Kan ram siam ṭha a, kan khawpui Aizawl enkawl tur te kan thlang dawn a, kan mi thlan chhuah te hian kan ram pum hi siamṭhat an tum ngei ang. Candidate tin te thil tum apiangte hi zirchiangin, buk ngun ila, kan thutlukna siamah kan inchhir loh nan an mimal ṭhatna ringawt teh lovin, a taka thawk mi leh mi ṭha ni sa tliah lo, a ngaihna hria vantlang ban phak mi thlan i tum ang u. Kohhran leh Khawtlang a inhmang tak a nih vang nge? Rulling Party candidate a nih vang nge? Inthlan dawn chauha vote zawn nana vantlang tana thilpek lama ṭang a nih vang nge kan vote dawn le.Heng te hi vantlang mipui te hian kan chhut ngai em le?

Aizawl khawpui enkawltu tur kan thlanchhuah dawn avangin, kan ram hmel ti danglama, hmasawnna kawng min zawhpui tur leh mitinin kan ban phak, harsatna thlen ngam khawpa mi inpe leh mi tak tak, intiam aia a taka thawktu he kan khawpui Aizawl hian kan hma maia inthlan lo awm tur atan hian a mamawh a, i vote khat khan kan ram hmel a ti danglam thei a ni. A in candidate avangin mi ṭhenkhat a duhsak deuhte emaw party mi tu emaw chu nuai chuang contract an thawk leh mai ang tih thawm ri va te hian kan ram hma a ti sawn lo, hawh u i fim ang u inthlanna ah hian.

Vidpuia Hrahsel:

Instagram: https://www.instagram.com/david__hrahsel/

WhatsApp: click here