ZPM in manifesto tlangzarh

Aizawl | January 21, 2021: Aizawl Municipal Corporation inthlan lo awm tur atan ZPM Party chuan nimin khan an Manifesto an tlangzarh a, ZPM Leader Pu Lalduhoma chuan manifesto hi tlangzarhin AMC-ah ZPM in sawrkarna an chang anih chuan bawlhhlawh leh hnawmhnawk paih dan turah mipuite tana awlsam zawk an ngaihtuah tur thu sawiin langtlang taka sawrkarna kalpui anih tur thu a sawi. 

Ou Lalduhoma chuan Kalphung thar mipui sawrkar an duh chuan mipuiten AMC ah ZPM chu an thlan tlin a ngaih thu sawiin party hrang hrang candidate te chu tu kaihhruaina hnuaiah nge an awm tih ngaihtuah chunga vote thlak theuh turin mipuite a sawm bawk.

An Election Manifesto ah hian ZPM chuan an sawrkar anih chuan langtlang taka sorkar din an intiam a,  Thlai thartu leh a leitute kalphung neia an indawrna tur Vegetable Supply Chain Centre siam a ni dawn an ti bawk a ni.

ZPM Manifesto chuan  Khawpui chhunga Parking Fee lak dan chu ennawn an tum thu leh khawpui vawn fai leh chei mawi chu an ngaih pawimawh anih tur thu leh  Centre for Innovations & Training siam anih tur thu te, Mipuite himna leh ralmuanna ngaih pawimawha social security system ruahman anih tur thu te tarlan a ni.

Post a Comment

0 Comments