Aizawl | Januaru 21, 2021: Hnahlan Vengthlang-a Pu Dawngsiankhupa S/o Pu Thangkhenpianga (L) (Pianghlamseia) te In, chu tukin zing dar 4:00-ah bungraw chuh hman lohin a kang ral.
Thudawnnain a tarlan danin, Pu Dawngsiankhupa hi Tuisaah hnathawkin a riak a. A nupui Pi Lunsiansiangi leh a fapate pahnih kum 4 mi leh thla 9 mi nena an awm lai a ni.
An mu lai chu naute ṭapin nu ber chu a tiharh a. An naute kha khum mawng lamah a lo awm a. Bawihte, hnute hne rawh aw tia a pawt chho chu boruak a lo sa lutuk a. Chutah chuan inkang chu a hre ta chauh niin tarlan a ni.
An mutna room hi kawngkapui aṭanga luha thlang lam chiah a ni a. An tap mei hi an mut dawnah pawh a mit vek tawh a.
A chhak lam aṭanga kangmei hi chhuak niin Current kalsual nia ngaih a ni.
An kawngkapui lam chu a lo sat tawh em avangin kawngkapuia chhuak ngam lovin kawngka thlang tukverh ft.7 vela sangah a naupawm chu a zuanchhuahpui a, a fapa upa zawk chu a hlang thla leh ta niin thu dawn a ni.
Kangmei hi a nasat hman em avangin mipui pawhin an ṭhelhmit thei ta lo.
Chhiat tawh chungchangah VC, NGO te inhmukhawm nghal.
- WhatsApp
Post a Comment
He post chungchanga i ngaihdan lo sawi ve rawh: