Serchhip District ah Covid-19 Vaccination Dry Run tluang takin nei

Aizawl | January 9, 2021: Nimin khan Serchhip District chhunga Covid-19 Vaccine pek dan tur enchhinna Dry Run chu Serchhip khawpui chhung hmun 3, Serchhip District Hospital, Midland Middle School Serchhip leh Chhiahtlang Middle Schoolah te neih a ni a, Pu Kumar Abhishek, IAS District Bawrhsap chuan he hun hi a hmanpui.


Covid-19 Vaccination Dry Run (Mock Drill) hi vaccine lo thlen huna kalpui dan tur ruahmanna anga neih niin, vaccine Injection lak dan te leh Vaccine latu ten harsatna an neih leh neih loh endikna- Observation Room ah minute 30 tal awm  tirte bakah, thil tul leh pawimawh dang awm thei te pawh zirchian nghal a ni a. Vaccine pekna hmun tur Vaccination Centre turte pawh sawrkar laipui ruahman anga enchhin a ni.

Covid-19 Vaccination hi sawrkar laipuiin ruahhmanna a rawn siam angin Health Care Worker, Accredited Socialist Health Activist (ASHA), Anganwadi Workers, Covid-19 Volunteer te leh Hospital Staff te leh midangte pek hmasak tur an ni dawn a, venhimna engkim kalpui tur a ni dawn a ni. 

Post a Comment

0 Comments