SEC in AMC Inthlanna lo awm tur atan inthlan buaipuitu tur ruat; February-ah AMC inthlan ring

Aizawl | January 9, 2021: State Election Commission chuan hriattirna chhuahin Aizawl Municipal Corporation (AMC) inthlan lo awm tura buaipuitu tur Municipal Returning Officer leh Assistant Municipal Returning Officer a ruat.

SEC chuan, Mizoram Municipalities Act, 2007 Bung 348 hnuaia sub-section (1) leh (2) in thu neihna a pek angin Aizawl Municipal Inthlanna 2021 lo awm tur atan a hnuai ami angin Mizoram Sawrkar hnuaia hnathawk officer te chu Municipal Returning Officer leh Assistant Municipal Returning Officer atan a ruat.

MNF vice president Lalthlengliana'n February thla-ah AMC inthlan theih a nih a rin thu sawiin, MNF party-in hnehna an chan ngei tur thu a sawi.

MNF vice president Lalthlengliana hian AMC ward-I huamchhunga local council inthlana MNF party candidate tling te lawmna leh AMC inthlan campaign bultanna Durtlang-a neihah nimin piah khan MNF vice president chuan a sawi a. AMC inthlan lo awm tura MNF candidate tur te chu an tha tlang hle niin a sawi bawk.