Ram dang atanga lo hawte mahni ina inkhunghran phalsak dawn lo

Aizawl | January 7, 2021:Hri inkai awlsam zawk darh mek vangin ram dang atanga lo hawte mahni ina inkhunghran phalsak an ni dawn loval, Local/village task force te pawh home quarantine tura recommend lo tura hriattir an ni.

Thupek ang chuan heng zinmite hi a bika buatsaih quarantine centre ah khunghran tur an ni bawk a ni.

Aizawl district DDMA  Chief Executive Officer chuan thuchhuah siamin, Tun hnaiah ramdang, a bikin United Kingdom-ah Covid-19 hrik insiam danglam, hlauhawm zawk leh inkai awlsam zawk hmuh chhuah a ni tih hriat a ni a, he mi chungchangah hian Mizoram mipui te kan lo him zawk theih nan Ramdang (Foreign) atanga lo haw te chu a bik taka buatsaih Quarantine Centre-a Quarantine tur an ni. 

"Mahni veng tinah hetiang mi lo haw an awm chuan Home Quarantine phalsak lo tur leh recommend lo turin LLTF/VLTF te hriattir an ni." tiin thuchhuah chuan a tarlang bawk.

Post a Comment

0 Comments