PM's NCC Rally-ah Mizo thalai pahnih tel

Aizawl | January 28, 2021: Mizoram atangin Mizo thalai pahnih chu India republic day lawmna pui ber Delhi-a neih zawh takah an inlan. National Cadet Corps (NCC) a tanglai Mizo thalaite hi vawiin khan PM's NCC Rally-ah an inlan bawk  a ni.

Govt Aizawl North College zirlai, Under Officer Mimi Lalnunpuii leh Govt Hrangbana College zirlai Sgt Laldikmawia (HBC) ten kumin Republic Day lawmna pui Delhi a neih zawh takah an inlan.

PM's NCC Rally 2021: https://www.youtube.com/watch?v=p2ykIKAFsBo

Under Officer Mimi Lalnunpuii hi Rajpat contingent atan thlan tlin niin nimin piah-a  republlic day lawmna-ah khan India rama NCC cadet nuaih chuangte aiaha parade contingent zingah telin a inlan ve  a ni.

These 17 directorates are divided in total of 814 units divided in three service groups Army, Naval and Air.

NCC hi wing thum; Army, Naval leh Air te awmin, tun-ah hian directorate 17 ah thenin, unit 814 an awm a.  Mizoram hi North East region (NER) directorate hnuai-ah awmin, North East Region hian  Arunachal Pradesh, Assam, Manipur, Meghalaya, Mizoram, Nagaland & Tripura te a huam. Tunah hian NCC a tel thalaite hi mi 13,00,000 atanga 15,00,000 vel ni tura ngaih an ni. NE Region-ah Best Cadet nih emaw NER aiawh tura RD cadet atana thlan nih hi NCC tanglai tan chuan inchhuanna tham leh uanpui tham a tling a ni.

Prime Minister Narendra Modi-a chuan ram tana National Cadet Corps(NCC) te hnahthawh chu chhuanawm a tih thu a sawi. Vawiina New Delhi-a NCC Rally a hmanpuinaah he thu hi sawiin khuarel chhiatna hrang hrangah theihtawpin mipuite chhawmdawlna hna an thawk a ti a. COVID-19 hrileng karah ramchhung hmun hrang hranga cadet nuai chuangin midang tan rawngbawl hna an thawk a ti a. Pu Modi-a chuan COVID-19 hripui lengah mitinin an mawhphurhna tha taka an hlen avangin hripui do kawngah pawh India chu a thawktha hle a ni a ti bawk a ni. Vawiin hian PM Modi-a chuan NCC cadet ti tha te hnenah chawimawina a hlan a, inkhawmah hian Defence Minister Rajnath Singh-a pawh a tel a ni.