Parliament Budget session tan dawn

Aizawl | January 29, 2021: Parliament Budget session chu vawiin hian tan a ni dawn a. President Ram Nath Kovind-a chuan House pahnih member thukhawmte hmaah thu a sawi ang. Sorkar laipui sum hman tur ruahmanna Union budget 2021-22 chu thla leh ni 1 ah pharh a ni ang a. Tun tum hi ram chanchina paper tellova budget pharh tumkhatna tur a ni ang.

COVID-19 hrileng avangin inkhawm hun tih danglam a ni a, Rajya Sabha chu zing dar 9 atanga chawhnu dar 2 thleng an thukhawm ang a. Lok Sabha hi tlai dar li atanga zan dar 9 thleng an thukhawm thung ang. Session thawhkhatna hi February hi 15 thleng neih a ni ang a, thawh hnihna hi March ni 8 atanga April ni 8 thleng neih a ni thung dawn a. Avaiin tum 21 an thu dawn a ni.

Sorkar chuan Lok Sabha leh Rajya Sabha rorel tluang taka neih a nih theih nan party tin hruaitute inhmuhkhawm naktip inriniah khian a ko a. Rajya Sabha chairman M Venkaiah Naidu pawhin Pathianni khian inhmuhkhawm a ko ve bawk a ni.

Post a Comment

0 Comments