Aizawl | January 16, 2021: Kolasibah Mizoram Youth Commission Coaching Centre nimin khan Food, Civil Supplies & Consumer Affairs Minister Pu K Lalrinliana’n a hawng.
Minister chuan lehkha zirna mai piah lam ah eizawnna tlak thiam thil neih a pawimawh thu sawiin eizawnna tlak thiam thil nei kut hnathawktute leh a mamawhtute awlsam zawk a an inchhawr zung zung theihna turin inhrilhhriatna felfai leh mumal tak kalpui tum a nih thu a tarlang a, hemi atan hian Kolasib district chhung a Village Council hruaitute nen tang hovin hmalak mek a ni a ti.
MYC Chairman Dr Vanlaltanpuia chuan MYC tobul leh thalaite tan a eizawnna rintlak kawhhmuh kawng a an hmalak dan hrang hrangte sawiin UPSC, MPSC leh MSSB paltlang tur a zirtirna nasa zawk a kalpui chu MYC hmalakna hnuai a thuang lian tak a nih thu a sawi.
UPSC kaltlang a central service inelna paltlang thei turin thalaite cho phur nan IAS Full sponsorship buatsaih a nih thu leh hemi atan hian mi 20 thlan chhuah an nih tawh thu a sawi a, Chanakya IAS Academy leh ALS Coaching Centre, Delhi-ah te coaching kal tir an nih tur thute, a senso zawng zawng chu tum sak vek an nih tur thu MYC Chairman chuan a sawi bawk a ni.
- DIPR
Post a Comment
He post chungchanga i ngaihdan lo sawi ve rawh: