Mizoram-ah voter nuai 8 chuang awm; mipa aiin hmeichhia sing hnih chuangin tam zawk!

Aizawl | January 20, 2021: Mizoram District tin, district 11-ah final electoral roll, 2021 tarchhuah a ni a, Mizoram-ah voter 816138 awmin, heng zinga 396973  hi mipa niin, 419165 chu hmeichhhia an ni.


Mizoram-ah mipa voter aia hmeichhe tam zawkna hi  22,192 zet a tling  a ni.

Mamit leh khawzawl district tih loh-ah chuan mipa aiin hmeichhia an tam zawk vek a, Mamit-ah hian Mipa 35158 niin hmeichhia hi 34199 an ni a, voter awm zawng zawng hi mi 69,357 an ni bawk. Khawzawl district-ah hian voter mipa 8500 awmin, hmeichhhia hi 8471 an awm a, vote nei zawng zawng hi mi 16,971 an ni bawk.

Tunah hian Mizoram pumah Polling Station 1242 a awm mek a ni.

District tina Final Electoral Roll, 2021 a voter awmzat chu hetiang hi a ni - 

SI.No. Name of District      Male           Female          Total
1.      Mamit                      35158         34199         69357
2.      Kolasib                     29569         31294         60863
3.      Aizawl                      127503       143919       271422
4.     Champhai                  26530         27697         54227
5.     Serchhip                    25195         26541         51736
6.     Lunglei                      47432         48065         95497
7.     Lawngtlai                  42393         42758         85151
8.     Saiha                        20347         21431         41778
9.     Saitual                      26687         26923         53610
10.     Khawzawl                8500           8471          16971
11.     Hnahthial                 7659          7867          15526
                            Total     396973     419165         816138

Tunah hian Mizoram pumah Service Voters Mipa 4771 leh Hmeichhia 63, a vaiin 4834  awm mek bawk.

Final Electoral Roll 2021 en duh chuan mahni bialtu ERO/AERO/BLO hnenah emaw, DC/DEO Office-ah emaw, CEO website - ceo.mizoram.gov.in ah en theih a ni.
 
India khua leh tui diktak, ni 01.01.2021 a kum tling tawh, rokhawlhna avanga Summary Revision laia Electoral Roll a inthunlut hmanlo te chuan mahni bialtu ERO/AERO/BLO hnenah electoral roll a inthun luh dilna ngaihven theih a ni a. 

Dilna hi https://nvsp.in/ , https://voterportal.eci.aov.in/ leh Voter Helpline App atang te in thehluh theih a ni bawk.


Post a Comment

0 Comments