Mizoram-ah mi sanghnih chuangin hri danna dawng tawh - report

Aizawl | January 22, 2021: COVID-19 vaccine chu pek chhunzawm zel a ni a, nimin thleng khan health care thawktu mi 2537 in hri danna an dawng tawh.


Nimin khan Mizoram hmun hrang hrangah hri danna pek chhunzawm niin mi 1029 in an dawng a, nimina hri danna dawng zingah hia Aizawl district an tam ber a, Aizawl East-ah 217 niin, Aizawl west-ah 161 an ni. Aizawl district tih loh-a hri danna dawngtu tam berna hi Champhai niin 170 an ni.

Sawrkar thuchhuahin a tarlan danin, Heti hian Mizoram pum-ah Aizawl district chu hri danna dawng tamna ber niin, nimin thleng khan mi 1206 in an dawng tawh a, Aizawl east-ah 786 niin, Aizawl west-ah 420 an ni. Hri danna dawng tawh tam ber dawttu chu Lunglei district niin 485 in an dawng tawh a, a dawtah Lawngtlai awmin mi 294 in an dawng tawh a, Champhai 170, Serchhip 131, Mamit 100, Kolasib 77 leh Siaha 74 te'n an dawt a ni.

Post a Comment

0 Comments