M.Com zirlai Rama kal enkawlna tur sum tlingkhawm hlan

Aizawl | January 14, 2021: Kalna vanga damdawi ina enkawl mek tlangval Ramthianghlima, M.Com zirlai kal(kidney) enkawlna tura Zo Inspiration ten vehbur an khawn a sum lut khawm cheng nuaih li chuang chu a cheque in tuna an awmna Civil Hospital, Aizawl nimin khan an hlan fel.


Rama hi Thenzawl tlangval fel tak a ni a, lehkha pawh a thiam thei pawl a ni thin a. Mahse,  a nu leh paten sum lak luhna tha an neih ve loh avangin harsa takin lehkha a zir hram hram thin a ni. 
A nu hian an khua ah Puantah in sum alo hai lut ve thin a, a pa erawh chuan hmun hrang hrang ah inhlawh fa chungin a chhungkua a enkawl bawk.

A kal thlakna tura an sum mamawh hi a tam em em mai a, chumi vang chuan ZO Inspiration chuan mi inphalte atangin vehbur an khawn a, chumi tlingkhawm cheng ₹4,20,100/-(Nuai li sing hnih leh za)  chu an hlan ta  a ni.

Tunah hian mi inphalte pawisa pek khawm hmangin a kal hi thlak an tum a, an buai hle niin thu dawn a ni.

ZO Inspiration hian mi tam tak tan tanpuina khawnsakin an lo hlan tawh thin a. Hmanni lawkah pawh spinal cord chhia an lo tanpui tawh a. Quarry a nunna chan ta chhungte pawh an lo tanpui tawh a ni.

Post a Comment

0 Comments