LADC in sawrkar hmasa hna lak ennnawn dawn

Aizawl | January 10, 2021: Lai Autonomous District Council (LADC) Sorkar thar chuan, Sorkar hmasa in hnathawktu a lak engemawzat chu a ennawn dawn.


He thu hi Bualpui NG West bialtu MDC, LADC a Executive Member Pu V.Zathanga chuan sawiin, "LADC Sorkar thar chuan, Sorkar hmasa in hnathawktu a lak engemawzat chu a ennawn dawn," a ti.

 Pu V. Zathanga hian nimin khan a bial, Bualpui NG West tlawhin, Sorkar kalta khan Budget ruahmanna a tello Muster Roll zathum chuang leh mi sawm chuang a nghet a la ni a an hriat thu a sawi a. Chief Executive Member Pu Manghmunga Chinzah kaihruai, MNF Sorkar chuan, diklotaka hna lak ni a sawi hi an ennawn tur thu a sawi a. Hei hi Politics a phuba lakna nilovin, LADC Sorkar sum indaihlohna nasa tak a thlen theih dawn vangin MNF Sorkar chuan a ngai pawimawh hle dawn a ni a ti a, ram mipuite chu an hmalakna hrethiam turin Pu V.Zathanga hian a ngen bawk.
 Pu V.Zathanga chuan LADC a MNF Sorkar thar chu nghing maitur anga  thu belhchiandawllo thehdarh a awm tih sawiin, Politics a inbeihna ah, a chanchhe zawkte chuan sorkar beihna tur an zawng ve reng thin tih sawiin, CEM Pu Manghmunga Chinzah kaihhruai, MNF Sorkar chu a nghet tawk a, Executive Body a rualkhai a, a nghing mai mai dawnlo a ni a ti.

- AIR Aizawl

Post a Comment

He post chungchanga i ngaihdan lo sawi ve rawh:

Previous Post Next Post