COVID-19: Hripui vangin mipa kum 57 mi boral

Aizawl | January 10, 2021: Vanduaithlak takin vawiin (10.1.2021) chawhnu dar 2:30 khan mipa kum 57 mi, Silsury khua chu hripui vangin a boral.


Sawkar thuchhuah tarlan danin, boral ta hi Lakhi Dhan Chakma(57), Silsury, Mamit Dist. niin, COVID19 natna hrinchhuah pneumonia avangin chatuan ram a pan.  LD Chakma hi December 21, 2020 khan pvt hospital pakhatah COVID19 a vei tih hmuhchhuah a ni a. ZMC ICU ah admit zui nghal a ni.

Thuchhuahin a tarlan zel danin, Amah hi BP sang nei sa a ni a. Aizawla private hospital-a enkawl a nih laia COVID19 positive tih hmuhchhuah a nih avangin Aizawl District case zinga chhiar tel a ni.

Tun dinhmun-ah Mizoram a hri vei hmuhchhuah tawh zawng zawng hi mi 4292 niin, dam tawh mi 4186 an ni a, enkawl lai mi 97 an awm mek a, nunna chan zat hi mi pakua an ni.
Hri vei hmuhchhuah tawh zingah hian Mipa 3147 awmin, Hmeichhia 1145 an ni.

Post a Comment

0 Comments