Hri chak zawk darh vangin Europe atanga lo hawte'n RAT paltlang ngei ngai

Aizawl | January 1, 2021: Sawkar chuan thuchhuah siamin, COVID-19 UK Strain tuna darh mek laka invenna turin UK leh Europe ram atanga Mizorama lo lut reng reng te chu "Point of Entry" - Lengpui Airport, Vairengte, etc. a Medical Counter-ah in report vek tur a ni a, RT-PCR test result Negative nei pawhin Rapid Antigen Test (RAT) an ti leh ngei tur a ni.

Heng ram atanga lo lutte chu District a Quarantine Facility ruat bikah RTPCR/TrueNat Test result an neih leh hma chu an awm rih ang a, Home Quarantine phalsak an ni lovang.

He inkaihhruaina hian COVID-19 UK strain leh hmun danga COVID-19 strain chhuak thar leh a kaihhnawih ramte atanga Mizoram lo lut te pawh a huam zui zel ang.

Post a Comment

0 Comments