COVER GIRL: Miss Mara - Ephesi HC

EXPLORE MIZORAM January 2021 Cover girl:
Mara Thyutlia Py (MTP - Mara Thalai Pawl) in kum hnih dan-a an thlan thin Miss Mara 2019 lallukhum khum mektu, nula chhuanawm leh hmeltha Ephesi HC kan belchiang.

Photographer: Kolai Pictures

(Miss Mara hi MTP inkhawmpui apiangin kum hnih dan-ah thlan thin a ni a, a term hi kum thum chhung niin, MTP general headquarters hruaitute term a tawm a ni. Tuna Miss Mara 2019 hi 2022-a Miss Mara thlan a nih leh hma zawng chu a dinhmun a luah dawn a ni. A hun chhung a rei a vang leh mipuiin an ngaihhlut avangin tel turte pawh an uluk a, a thlan pawh an la urhsunin an uluk thei hle a ni. Miss Mara hian Mara ram-ah chuan ngaihhlut a hlawh hle a, Mara mipuite'n an ngaihluin an dahsang hle a ni. - Editor)

Ephesi emaw Nunu tia koh thin Miss Mara 2019 Ephesi HC hi HC Biakcheuva leh N Pawngia te fanu niin May 12, 1995 khan a lo piang.


Ephesi HC   te hi Siahatla 2, Siaha a cheng an ni a. An unau panga niin, nuta pali a nei a, hmeichhe awm chhun leh a milai a ni bawk.

Kohhran-ah Evangelical Church Of Maraland (ECM) ah an lawi a ni.


Zirna lam-ah chuan kum 2019 khan Master of Social Work(MSW) a zo tawh a ni.

Hobby: Sports, Movies en


I duhzawng leh ngainat zawng:
·         Lehkhabu duh: Bible (Lehkhabu dang hi ka chhiar emem lo)
·         Actor/Actress: Priyanka Chopra
·         Zaithiam: John Beizachhi Phuto, Zorema Khiangte
·         Chawhmeh: Vawksa, Anthur tlak
·         Hla: Saltang tawngtaina
·         Hmun: ka chhungte awmna 
·         Rawng: Avar (White)
·         Ziaktu: Mafaa Hauhnar
·         Model: Gigi Hadid
·         Public leader(Mara): Dr K Beichhua

·         Mize ngainat zawng: Ze thup lo, nui duh tak leh midangte hrethiam em em tute hi ka ngainaa, an bula awm hi nuam ka ti.


·         Mize ngainat loh zawng: Ze thup, chapo leh mahni tanghma hai tak

·         Kawppui tura duhzawng: Pathian tihmi, Chhungkaw ngaipawimawh thiam.

·         Relationship status: Single

·         Aim in life: Missionary


Miss Mara thlanna a tel chhan:
- Mara ram tan tangkaina ka neih ve theihnana platform min siamsaktu a nih avanga tel ka ni.

Miss Mara nih hi i inring em?
-  Ka inring em em hran lo. Mahse,  ni turin  theihtawp erawh ka chhuah.


Miss Mara in i nuna nghawng a neih:
- Miss Mara ka nih  hian ram leh hnam hmangaihna tak tak min neih tir a, tin, Mara ram darthlalang ka nih avangin ka nun ka uluk phah hle bawk.

Modelling lam hi i tui em?
- Ka tui em em lo! haha

 
Zawhna dang::
1.       A tellova i awm theih loh: Pathian

2.       I nun kaihruaitu: Pathian thu leh ka chhungte

3.       Hringnuna i hlauh ber: Pathian tel lova nun hman!

4.       I tih ngai miah loh tur: Mi dangte hnuaichhiah

5.       Mizo tualzal nuna tha i tih: ‘TLAWMNGAIHNA’


6.       Quote I duh ber:
Nangmah i in hmangaih angin i vengte hmangaih rawh 
- (Matthai 22:39)

7.       Mizoram leh Mizo tualzal nuna Mizo hmeichhiate dinhmun:
- Mizo Hmeichhiate hi kan vannei hlein ka hria Hmeichhiate humhimna dan nasa taka duan a ni chung pawhin state tam takah chuan ngaihdan atthlak tak tak kalpui tam tak an la awm a. Mahse, keini Mizo hmeichhiate erawh chu hmanlai nun atanga chhui pawhin inchhung sekrek khawih tihvel chauh lohah chuan kan dinhmun hi a thain kan Mipate pawh hian min zahthiamin min chawisang thiam viauin ka hria.

8.       Hnam ziarang chawinun kawnga hmeichhiate mawhphurhna:
- Zohnahthlak ngei pasala neih leh kan nihna (Identity) a chian leh kan nihna anga nun kan hman hian kan Hnam ziarang kan chawinung tihna a ni a, hei hi kan tih ngei tur niin ka hria.


9.       Mizote tan ‘Fa neih tlem’ inzirtir hi a tulin i hria em? 
-  ‘Fa neih tlem’ hi inzirtir ngaiin ka hre lo chu ai chuan chhungkaw enkawl dan leh inkaihhruai dan inzirtir tam hi a finthlak zawkin ka hria, Chutianga kan tih chuan kan chhungkaw dinhmun a zirin fa neih tlem emaw tam emaw chu kan hrethiamin ka ring. Mizote hi tlemte chauh kan la ni si a, Hnam chu kan tam poh leh kan chak a ni mai.


10.   Mizo hnam thanmawhbawk nia i hriat:
- Inpumkhatlohna, Eirukna leh mahni hmasialna


11.   Mizo hnam damna atana kawng awm nia i hriatte:
- Kan Hnam alo dam nana kawng awm nia ka hriatte chu- Pathian thu zawma nunpui leh Zohnahthlakte kan inpumkhat hi a ni.

12.   Hnam chhan nana Hmeichhiate tangkaina leh mawhphurna:
- Hmeichhiate hi fanaute inchhung (Zirna in hmasa ber) a kaihruaitu leh engkim zirtirtute kan ni a, fanaute hi nakina kan ram tana tangkai tak tura chher theitu kan ni. Chuvang chuan Hnam chhan nan hian tangkai tak niin mawhphurhna sang tak kan ko-ah a innghat a ni.

13.   Zirna, khawtlang leh kohhran hi:
- '7 Spheres of Society' ah hian heng Zirna, khawtlang leh Kohhrante hi an tel veka sawi hran theih leh ngaihhran theih chi a ni lo. Chu mai bakah, mi tin nun kaihruaitu atana pawimawh tak tak vek a ni.


14.   Khawtlang, kohhran leh nagmah:
-  Khawtlang leh Kohhran hi thil engkim ka tihnaa min tichaktu leh min ti kaltu a ni a, ka theih tawkin ka inhmangbawk a, keimah hi khawtlang leh kohhranah ka bet tlat a, ka bel tlat bawk a ni.

15.   Mizoram thalai tamtak tlakchham: Taimakna

16.   Mizo thalaite hian nghaihsan tur dik an ngaisangin i hria em? 
- Ngaihsan tur dik chu an ngaisangin ka hria a, amah erawh chu kan ngaihsan dan kawng a dik lovin ka hria.

17.   Ngaihsan tur dik nia i hriat: Mi tumruh, huaisen leh rinawm.


18.   Hlawhtlinna tura pawimawh: 
- Taimak,  tuma chiang leh beidawnthlak tak hnu pawh a beidawng duhlo

19.   Hloh i hlauh ber: - Pathian

20.   Zo hnam inpumkhatna hi a thlen theih i ring em?
- Ring tehreng e, Pathian nung ringtute vek kan ni a, Pathian mite inrem lovin a awm rei theih loh.

21.   Hnam dang nupui pasal neih hi?
-  Hnam hmangaihtu dik tak, Hnam boral duh lohtu leh mahni nihnaa chiang chuan Hnam dang nupui pasal neih hi tha kan ti lo!


EXPLOREMIZORAM.COM i hmuh dan:
- A hming atang hrim hrim pawh hian belhchian tlak a ni tih hi a chiang nghal. Tin, an thiltih hi tha ka ti a, kan rama thilthleng awlsam taka mi tu pawhin a kan hriat zung zung theihna a ni a tha ka ti hle a, Mizo hnam tipumkhattu an ni. In kal zelna turah duhsakna sang ber ka hlan nghal bawk che u.



Founder/Editor
































(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

Post a Comment

0 Comments