Hnehna Tumkau vanga hriatlar Hriatrenga a boral

Aizawl | January 4, 2020: Mizo mipa zaithiam, hlaphuah thiam, thu leh hlaa tui leh thiam tak ni bawk F. Vanlalhriatrenga (39), Nursery Veng, Aizawl chu nizan dar 7:45 khan Dr. B Borooah Cancer Institute, Guwahati-ah a thi.

Hriatrenga ruang hi Guwahati aŠĻ≠angin Ambulance hmanga Aizawl rawn panpui tur a ni.
Kum 39 mi F. Vanlalhriatrenga hian WB. Manners-a'n kum 2000-a a phuah 'Hnehna Tumkau' chu a larpui hle a, 'Hnehna Tumkau-a' tia koh fiam a ni hial thin. A album hmasaber kum 2003-a tihchhuah hmingah 'Hnehna Tumkau' hi a hmang nghe nghe.
Hla tam tak a phuah a, a hlaphuah te chu Mizo zaithiam lar tak tak - H. Lalthakima, Spi, Eli, Lilzo te leh midang tam takin an sa a, hla lar tak tak an ni deuh vek hlawm. Kum 2005-ah a hla phuah hlang awmna album a tichhuak bawk.
Hriatrenga hi kum 2020 kumtir lamah ICU-a enkawl ngai khawpa awmin, hemi hnu reiloteah cancer a ni tih hriat a ni a. Theihtawpa enkawl chhoh ni mahse, zanin dar 7:45 khan chatuan ram a pan ta a ni. Hriatrenga ruang rawn hawpui dan turah hian thu chiang a la awm rih lo tih Guwahati DRC Zothanmawia chuan The Zozam Times a hrilh. 
Hriatrenga hi Mizoram legislative assembly secretariat-ah thawk mekin, a nupui leh an fate 3 nen Nursery Veng, Aizawl-ah an cheng a ni.

- The Zozam Times

Post a Comment

0 Comments