Aizawl | January 10, 2021: Social network app pakhat Twitter chuan US President Donald Trump-a account a tih tawp sak a, hei hi buaina chawk chhuak thei thil awm thei laka invenna a ni Twitter chuan a sawi a, @realDonald Trump account-a tun hnaia thuchhuahte, ngun taka thlirlet a nih hnuah account ti tawp tur hian thu tlukna siam a ni, a ti.
Hei bakah hian sorkar account @POTUS-a President Trump-a thu ziah tharte pawh a nawt reh bawk.
US rorel khawl, Congress-in Joe Biden-a, President thar atana nemngheh a tumnaah Trump-a tantute, US Capitol-ah pungkhawmin an tibuai a, hemi avanga buaina chhuak zuiah civil mi 4 leh police officer 1 an thi a ni.
Hemi kaihhnawihah hian Democratic party chuan President Donald Trump-a paih thlakna chu article put luh a tum a, House of Representatives Speaker, Nancy Pelosi chuan Pu Trump-a hian banna a thehluh vat loh chuan amah paihthlakna tur, House-ah pharh a ni ang, tih a sawi.
(NewsonAir)
Post a Comment
He post chungchanga i ngaihdan lo sawi ve rawh: