COVID-19: Hri vei hmuhchhuah thar awm lo; enkawl lai 88 awm mek

Aizawl | January 4, 2021: Nimin khan Mizoram-ah  COVID-19 positive hmuhchhuah thar an awm lova,  dam tawh mi 16 in enkawlna hmun an chhuahsan.

Nimin piah (inrinni) khan hri vei pali hmuhchhuah an ni. Hei hi nimin lama kan ziah loh vangin kan han tarlang a ni.

Sawrkar thuchhuah tarlan danin, nimin a hrivei hmuhchhuah te hi ZMC RT-PCR khawl hmangin positive 0, TrueNAT hmangin positive 0 leh  Rapid Antigen test hmangin positive 0 hmuhchhuah an ni.

Tun dinhmun-ah Mizoram a hri vei hmuhchhuah tawh zawng zawng hi mi 4223 niin, dam tawh mi 4127 an ni a, enkawl lai mi 88 an awm mek a, nunna chan zat hi mi pariat an ni.