Aizawl | January 17, 2021: Lawngtlai District chhung, Hruitezawl chhak, Chhimtuipui lui a lungpui pui mawi tak tak, Lungmak ti a hriat lar chu Lawngtlai DC ruahmanna in Lawngtlai District Disaster Quick Response Team te chuan an enfiah.
 |
| Lungmak | Engvara Shots |
Lungmak hi tunlai hian tlawhtu an thahnem zual a, Lawngtlai bawrhsap Dr. Andrew H. Vanlaldika a chuan Lungmak tlawhtute an him zawk na’n leh, a chanchinte kimchang zawk a hriat a nih theih na’n Lawngtlai District Disaster Quick Response Team te chu Team Leader HC Lalnunchama hovin a enfiahtir a.
Nimin khan enfiah hna hi zawh fel niin, lung chhak ber chu tui atangin Feet 35 leh inches 7 a sang niin, a chung zawl zau laiber a tehin ft 94 a ni a. Lung chhak ber dawttu, Lung lai chu ft 37 leh inches 6 a sang niin a len zawng Feet 102 a ni a, lungthlang ber, Meilawng chu tui chim chin atanga tehin feet 42 leh inches 5 a sang niin a chung zawl zau lai ber chu feet 110 a ni. He lai Lungmak awmna lai a tuithuk laiber chu feet 74 leh inches 6 a thuk a ni.
Quick Response Team te chuan Lungmak tlawhtute chu tui a cheng,lo turin thurawn an pe a, venhimna tha tak tel lo chuan lui lama infiamna lam chi pawh tih chi-ah an ngailo bawk a. Lungmak entur phur thintu Lawngleng te chu ngun takin an enfiah bawk a, Lawngleng panga chu mihring phur tlak lovah an ngai bawk a ni.
- AIR Aizawl
Lungmak thlalak dang HETAH hian dah a ni.
Post a Comment
He post chungchanga i ngaihdan lo sawi ve rawh: