Asia Pacific Youth Exchange (APYE) Online India 2021 Mizoramin a thleng

Aizawl | January 30, 2021: Asia Pacific Youth Exchange (APYE) Online India 2021 chu India ramah a vawikhatna atan Nimin piah atang khan neih tan a ni a, Mizoramin he programme hi a thleng a ni. 
APYE Online India 2021 hi Planning & Programme Implementation Department, Government of Mizoram, Urban Youth Academy (UYA) South Korea leh Rochun: Pay it Forward UK tangkawp ten an buatsaih a. North Eastern Council, Government of India-in fund a tumsak bawk. January 28, 2021(Ningani) ah ram hrang hrang atanga palai te lawmna inkhawm Pre-Program Session Online a neih a ni a, he lawmna inkhawmah hian Dr. C Vanlalramsanga, Commission & Secretary, Planning & Programme Implementation Department chuan inlawmna thuchah a sawi a, ani bakah hian Alinery Lianhlawng, Founder, Rochun Pay it Forward UK leh Hyoungmin Kim, MD, UYA South Korea ten thuchah tawi an sawi bawk. APYE chungchang leh Sustainable Development Goals chungchang zir hona neih zui nghal a ni.


Vawiin chawhnu, India sana a chawhnu dar 1:00 khan APYE Online India 2021 hawnna ni pahfawmin High Level Forum neih a ni a. Chief Secretary, Govt of Mizoram chuan welcome speech sawiin, Economic Affairs Officer, UNESCAP- Dr. Aida Karazhanova, Special Secretary, Ministry of DONER- Indevar Pandey, Head of NGOC, Asia Development Bank - Mr. Christoper M. Morris, Secretary leh North Eastern Council- Mr. Moses Challai ten lawmpuina leh duhsakna thuchah an sawi a. Philippines Vice President Maria Leonor G Robredo, Union Minister, Ministry of Doner- Dr. Jitendra Singh leh Mizoram Chief Minister Pu Zoramthanga ten Special Address an nei bawk a ni. 

High Level Forum hi “Entrepreneurship and SDGs under Sustainable Bio Economy” tih hmangin Panel Discussion in a zui nghal a, “Understanding the Community” tih thupui hmangin Dr. Laldinliana Varte, Expert Member, MEDMOC-in thu a sawi bawk. 


Urban Youth Academy, United Nations Development Programme (UNDP), Asia Development Bank (ADB) leh United Nations Economic & Social Commission for Asia & Pacific (UNESCAP) in a buatsaih thin, Asia Pacific Youth Exchange hian a tum ber chu society (khawtlâng leh ram) than mawh bâwk leh harsatna tikiang tûra chakna pêk (empower) leh UNO Sustainable Development Goals 2030 atâna Goals 17 zir chian leh danglamna siam thei tura thalaite buatsaih a ni.


APYE hi kum tin South Korea, Thailand, Philippines leh Asia ram hrang hrangah neih thin a ni a, APYE India Online 2021 hi Programme thuang thumah then a ni ang. Covid 19 hrileng avangin APYE hi tum danga an neih thin dan ang loin, online a neih tura ruahhman a ni a. He programme chawlhkâr hnih chhûng neih turah hian Asia Pacific ram 22 atangin thalai 200 lai kal khâwmte chuan Online-in Leadership Development Training an nei ang a; chumi zawhah Local Immersion neih tur a ni. He Local Immersion ah hian Team hrang hrangah inthenin, Mizorama district hrang hranga khaw thlan bîkah an harsatna te zir chiang tûrin Mizoram atanga tel te chu an team aiawh in an zin chhuak dawn a. Chung khaw thlan bik te chu - Lungdai, Sihphir, Thenzawl, Mualpheng, Biate, Reiek, Sekhum, Darzo leh Champhai te an ni a. Heng khua ah te hian team hrang hrang a inthenin, ni 4 chhungin zirchianna hun hi an nei dawn a ni.


He zirchianna atanga an thil hmuh leh zir chhuahte chu an team theuhin ngaihtuah hoin SDGs Symposium-ah inelin Innovative Solutions Showcase neih a ni leh ang a, an harsatna va zirchhuah te sutkian dan turah team hrang hrang te an inel dawn a ni. Heta a tha zual 3-te hi an project implement-na tûr funding, Hanyang University South Korea atanga tumsak an ni dâwn a. Heng program atanga hlawhtling te hi UN Young Professional Programme-ah te, Universities, State leh National level-a hmalakna atana thlanchhuah chhunzawm an lo awm fo tawh thin a ni.


APYE Online India hi February ni 5 ah Asia Pacific Youth Symposium hmangin kharna hun neih tum a ni a. Hetah hian Pu Lalchhandama Ralte, Minister LESDE bakah Dr. Vanlalramsanga, Commissioner & Secretary, Planning & Programme Implementation te chu thusawi tur a sawm an ni.

Post a Comment

He post chungchanga i ngaihdan lo sawi ve rawh:

Previous Post Next Post