AMC inthlan 2021 atana hriattur pawimawh

Aizawl | January 25, 2021: District Municipal Election Officer/ Deputy Commissioner chuan Aizawl Municipal Corporation (AMC) inthlan lo awm tur atana inbuatsaihna hrang hrangah Local Level Officer (LLO) te tawiawmna avangin a hmasa in lawmthu a sawi a, he inbuatsaihna kalzel atan hian Station Officer an nih angin a hnuaia tarlan te bakah tul dang awm apiang te lo buaipui chhunzawm zel turin a ngen a ni:

I.    PRE-POLL STAGE:
A chunga tarlan tak ang hian LLO-te hi Station Officer an ni a, an Station a thil buaipui ngai awm apiang te an kutah dah a ni.
Nomination file hun chhung leh Scrutiny neih chhunga Municipal Returning Officer leh Asst. Municipal Returning Officer-te Office tur lo ruahman a, hemi hun chhunga a tul anga lo puibawm a, lo buaipui turin.
Inthlanna atana Polling Station inpeihfel dan endik/enfel turin Sector Magistrate ten an bial theuh an tlawh kual dawn a, a tul anga lo puibawm a, lo fan pui turin.
Polling Station repair thuam that ngai emaw, tui leh mamawh hrang hrang inthlanna atana mamawh tur te a kim leh kim loh report siam.
Vote thlak tura khawtlang mipui te fuih a, a tul anga electoral roll soft copy vengchhung group ah te thehdarh.
CoVID-19 hrileng darhzel venna atan Social Distancing zawm anih theih nan Polling Station kawtah voter te dinna tur mark lo siam, LLTF-te nena tangkawp a lo buaipui.
Inbuatsaihna kal zela report tur tul awm apiang DMEO/DC a thlen.

II.    POLL- EVE:
1. Inthlanna tur atan a Polling Station Building leh a chhehvel a felfai em tih endik.
2. Polling Official-te inthlan ni hma in an riak lut leh dawn a, an riahna tur a an mamawh hrang hrang a fel ngei anih tih lo enfel nawn. 
3. Polling Official leh Security-te ei leh in tur a tul anga lo buaipui sak.
4. Political Party-te, MPF, NGOs, LLTF-te nen inhmuhkhawm a sawiho ngai a awm a nih chuan Presiding Officer ho a huaihawt.

III.   POLL-DAY:
1. Vote thlak tan hma in Mock Poll neih tur a ni dawn a, hemi atana Presiding Officer-te nen Political Party-te a hun taka an tel ngei theih nan a tul anga hmalak.
2.  Polling Station Building entry bulah ‘List of Contesting Candidates’ A3 size in tar  a ni dawn a, EVM a vote thlak dan awareness banner nen tar a ni ang. Vote thlak tura lokal te vote thlak dan lo hrilh hriat a, a tul anga Social Distancing zawm anih theih nan a hmalak.

- DIPR

Post a Comment

He post chungchanga i ngaihdan lo sawi ve rawh:

Previous Post Next Post