Air India-in Hmeichhe pilot-in zinkawng an zawh thui ber record siam

Aizawl | January 17, 2021: India ram thlawhna Air India chuan thawhtanni khan cockpit crew hmeichhia vek-in zinkawng an zawh thui ber record siamin, khawvel an barakhaih chiang hle!

Heng hmeichhe pilot-te hi  Capt Zoya Aggarwal, Capt Papagari Thanmai, Capt Akansha Sonware leh  Capt Shivani Manhas te an ni.

Capt Papagari Thanmai (L), Capt Zoya Aggarwal, Capt Akansha Sonware, leh Capt Shivani Manhas


Mizoram-ah kum tam tak Missionary Day atana kan hmana kan lawm tawh leh Gospel Centenary hial kan lawm tawhna, thenkhatin 'a ni leh lo' kan tih tak ni-ah ngei khan, Air India hmeichhe pilot palite chuan 
USA khawpui pakhat San Francisco atanga km 13,993 chuang (thenkhatah 16,000 chuang tiin tarlan a ni) zet mai thlawkin zinkawng an zawh a, darkar 17 chuang zet chawl lova an thlawh hnu-ah Kempegowda International Airport, Bengaluru-ah an rawn tum a ni.

He an record siam hi India ram chhunga thlawhna ten zinkawng an zawh thui ber a la ni a, Chu mai a ni lo, he thlawhna khalhtute hi hmeichhia vek an ni.

He thlawhna leh zinkawng kaihruaitu Capt Zoya Agarwal chuan, "Nothing is impossible in this world, because every great reality that you want in your life  to happen begins with a great dream and every great dream begins with a great dreamer and that dreamers lies in you. So don't look back, nothing is impossible, stay focus and read  i m possible." tiin hmeichhia-te a chah a ni.

Zoya Aggarwal hian he thlawhna hi a command a, Darkar 2,500 chuang lo thlawhpui/khalh tawh niin, hmeichhe pilot Boeing -777 khalh thei naupang ber a ni bawk.

Capt Papagari Thanmai  chuan, North pole chunga thlawh chuan, hun leh tui-alhthei hlu tak ral tur a tlem phah a ti a.
Capt Shivani Manhas, Air India -ah kum li chuang hret chauh la awm chuan, la tih ngai loh a nih vangin thawnhriat hlimawm tak a nih thu sawiin, 'he lai (bengaluru) lo thlen nan hian darkar 17 vel kan hmang," a ti.

Akanksha Sonawane, chuan, "Air India hian hmeichhe pilot a ngah ber", a ti a. Air India 10% hi hmeichhia an ni a, Khawvel-a commercial flight zingah an tam ber a ni.


Air India hian 2017 khan International Women's Day pualin,  Hmeichhia vekin thlawhna an thunun record an lo siam tawh a, khami ah phei kha chuan Cockpit crew, Cabin crew, Check-In staff, Doctor, Customer Care Staff, ATC leh entire ground handling- operator atanga technician, Engineer, flight dispatcher leh trimmer thlengin hmeichhia vek an ni.





 

Air India scripted history by flying an all-women crew flight around the world. AI 174 touched down Delhi this evening...

Posted by Air India on Friday, 3 March 2017

Post a Comment

0 Comments