War Memorial-ah Vijay Diwas ( Hnehna Ni) 2020 Hmang

Aizawl | December 16, 2020: Tukin zingkarah khan kumtina kan tih thin angin Vijay Diwas (Hnehna Ni) puala programme chu War Memorial, Treasury Square-ah hman a ni a. He hun hi sawrkarin CoVID-19 Hrileng laka kan himna tura inkaihruaina a siam zawmin mi tlem te chauhin an hmang thei a ni.

Vijay Diwas  hriat reng nan hian Mizoram ah pawh War Memorial, Treasury Square-ah ram tana nunna hlan ta te zahna pangpar sipai bang ten an dah a. Hripui leng avanga kum dang ang a ropui taka hman a remchan loh a vangin mi tlemte Mizoram Ex-Services League hruaitute, World War - II Veteran Association President, Assam Rifles Ex-Servicemen President leh Sainik Department Officer ten pangpar an dah a ni.

Vijay Diwas (Hnehna Ni) hi kumtin December 16 ah India rampum pui ah hman thin a ni a. Hemi ni hi India sipai ten Indo-Pakistan war of 1971 ah Pakistan laka hnehna an chan ni leh tunhmaa East Pakistan tuna Bangladesh lo ni ta lo pian chhuah ni hi a ni. He indo na ah hian Pakistan sipai te chu tlawm in an awp ram East Pakistan ti a hriat chu Bangladesh ti a hriat in a Io piang ta a. He mi tum hian Pakistan sipai lalber (Chief of the Pakistan Forces) General Amir Abdullah Khan Niazi chu a sipai 93,000 zet nen allied forces (India sipai leh Mukti bahini) General Jagjit Singh Aurora kaihhruaina hnuaiah Ramna Race Course tuna Suhrawary Udyan, Dhaka a awm kutah an in pe a. Hemi ni hi Bangladesh chuan Bijoy Dibos tih hming puin an Iawm ve bawk thin.


- DIPR

Post a Comment

0 Comments