Tut lui bomb tute chungah dan anga action lak ni rawh se - BJP Mizoram Thalai

Aizawl | December 16, 2020: BJP Mizoram Pradesh Thalai chuan Mamit Bialtu MLA H Lalzirliana leh a thuihhruaiten November 21 a Tut Lui Forest Reserve chhung an Bomb chungchang ah, Pi Vanramchhunagi'n FIR a thehluh bawhzuina thawm engmah a awm zuilo chuan, MNF Sorkar chu mahni ngam zawngte chauh a action la thin an ni tih a ti lang chiang hle, an ti.


BJP Thalai chuan thuchhuah siamin,  "Tut Lui Forest Reserve chhung Bomb tute hi mi pangngai leh mi harsa zawk te thil tih nise chuan Action la in, a tuk a maiah a titu te manin Jail bang hial an zut tir ngei in a rinawm," an ti a. "Tunah MNF MLA mai bakah Block hruaitute leh an thuihhruai ten Dan palzut a thil an tihsual an mahni ngei pawn an pawm thlap ah Action lak engmah a awm lo chu mak kan ti tak zet a ni." tiin an sawi.

Thlei bik nei leh ngam zawngte lakah chauh Dan lekkawh lo turin leh rualkhai taka Dan chu Dan anih ang taka lek kawh a, tuna Tut Lui Bomb tute pawh man a, an phu tawk hremna pe ngei turin BJP Mizoram Pradesh Thalai chuan an phut tlat a ni.

Post a Comment

0 Comments