Co-Operation Minister in Two Wheeler tan bika Petrol thunna hawng

Aizawl | December 16, 2020: MIZOFED Petrol Pump, Treasury Square-a  MIZOFED in a bik taka Two Wheeler tan bika siam Petrol Thunna (Petrol Dispensing Unit) chu tukin zing khan Co-Operation minister C Lalrinsanga'n a hawng.

Hawnna inkhawm tawi buatsaihah Co-Operation Minister Pu C.Lalrinsanga chuan Two Wheeler tan bika Petrol pump MIZOFED in a bun ta chu hmasawnna bung thar chi khat a ni, a ti a. Tuialhthei thianghlimlo in lirthei a tihchhiat nasat theih zia hriain MIZOFED hi an fimkhur hle a. Oil an pek chhuah te hi a thianghlim tawk tura ngaih a ni, a ti a. Oil (POL) lama kan hnianghnar zawk theih nan sawrkarin Bairabi ah Oil Depot changtlung zawk buatsaih a tum mek a ni, tih a sawi a. Chhun zana petrol pump a thawk tute chu hah hle mahse an hnathawh chu  mipui rawngbawlna a nih avanga phur taka thawk chhunzawm zel turin a fuih bawk a ni.

He Two Wheeler Petrol Pump thar hawnna hi Pu K.Laldawngliana, Chairman MIZOFED in a kaihruai a. Pu Rinzuala, Managing Director, MIZOFED sawi dan chuan he petrol pump thar hi IOC in a rawn bun sak a ni a. MIZOFED hian nitin petrol Truck trip 18 vel an semchhuak thin thu te, hei aia tam zawk sem chhuak tura hmalak mek a nih thu te a sawi bawk a ni.

- DIPR