Phainuam - Saihapui V kawng siam-ah KM tam tak a bo!

Aizawl | December 12, 2020: Saihapui V leh Phainua inkar kawng cement concrete a siam turin RD department sum nuaih 16 hmuh tawh a  u am kawng siamna tura sum sen erawh cheng nuaih kaw hu chauh hmuh a  ni, tiin Kolasib Aw chuan nimin khan a tarlang.


Kolasib ni tin chhuak chanchinbu 'Kolasib Aw' tarlan danin, Phainuam leh Saihapui 'V' inkar kawngah hian 200mtrs chin siamna turin MGNREGS material component sum Rs. 9 lakhs hmuh a ni a, boulder lung phah chungah PCC flooring tih tur a ni. Working Agency atana hman Block Employment Council, Vairengte chuan thawkin a sei zawng leh a chhah zawng bakah a zauh zawng thlengin a tling lova, hei vang hian Bilkhawthlir block office lam chuan sum pek belh tawh lovin 200mtrs dang siam belh leh zawk turin an hriattir a ni. Nimina a hmun tlawhtu Kolasib chanchinbu mite chuan he thil hi hriatchian tumin measuring tape nen an teh chhuak vek a, material components sum-a thawh, cement concrete sei zawng zawng hi 241mtrs chauh a ni.


Hei bakah kawng siamnan hian bialtu MLA Lalrinsanga Ralte chuan MLA Fund, Rs 2 lakhs pe in hemi hmang hian 100mtrs a thui, 3mtrs azau in siam tur a ni a, hei erawh hi chu a thawktu party worker te niin anni pawh hian 32 mtrs a thui chauh an siam bakah a zauh zawng pawh a tling lo chuang a ni.

Hetih lai hian tunhnai lawk khan RD minister Lalruatkima chuan kawng siamna tur hian a department chan aṭangin Rs 5 lakhs a pe leh a, hei hi contract anga thawh niin hemi hmang hian PCC flooring, 129mtrs an khawih bawk.

Thudawn danin Phainuam leh Saihapui 'V' inkar siamna atan tunhnaia an sum hmuh tawh zawng zawng hi 16 lakhs a ni tawh a, an kawng siam thui zawng hi material components sum hmanga thawh tura BDO office lamin an tih zat 400mtrs chu a tling chauh a, MLA fund 2 lakhs leh RD department sum 5 lakhs hmanga hnathawhna erawh hmuh tur ala awm lo anga an ngaihthu, thudawn a ni. A tira intar, MGNREGS material components sum hmanga siam a nihna chu paih bo a ni a, hemi aiah hian MLA fund hmanga hnathawhna a nihna zawk tarlanna ziah a ni thung.

Post a Comment

0 Comments