NCC NE Region Best Cadet Award Mizo Nula Nguri Sailo hlan

 Aizawl | December 17, 2020: National Cadet Corp (NCC) Northeast Region (NER) best cadet atn Mizo nula, PUC zirlai Cadet Senior Under Officer (CSUO) Ngurnunsangi Sailo, chu thlan a ni a, vawiin khan Jorhat-a NCC hmunah hlan a ni.

Nguri Sailo bakah hian Guwahati a cheng,50th Assam Air Sqn ami, Meitei tlangval Nepo Moirangthem  chu best cadet atan thlan a ni bawk.



CSUO Ngurnunsangi Sailo hi Pachhunga Univ.College 1st Mizo Air Squadron NCC ami niin,  NER ah Best Cadet a nih  hian Mizoram NCC tan mel lung pawimawh tak a phun a ni.

A Award dawn hi Simon Kachari memorial Award a ni a. Simon hi Flying Officer niin 1996 khan MiG Jet ah chesual in a boral ta a. Hemi hriatreng nan hemi award hi NER Best Cadet hnen ah an hlan thin a ni.


Amah hi Air Wing JW atang a NCC  ni tan in Baptist Higher Secondary School Serkawn Lunglei ah a lut thin a, Parade Commander ni thin in I Day Parade emaw Rep Day Parade eh Lunglei ah Unarmed Contingent ah Pakhatna lo nih pui char char tawh thin a ni.


Ngurnunsangi Sailo hi Vanlalremzuala Sailo leh Lallawmzuali Ralte te fanu pali zinga mi niin, an unau hi hmeichhia vek niin Zotlang Lunglei-a cheng leh khawsa an ni.

Tunah hian Pachhunga University College ah 5th semester Geology a zir mek. 



Amah hi mi harh vang tak, a hun a zak chung chung pawh a a hma a tla tawh chu hlenchhuak mi niin mi beidawng ngai lo anih na te hian nakin ah sang tak thleng la thlen pui ngei a rinawm.

1st Mizo Battalion NCC-a Battalion Senior Under Officer Jonathan Zothansanga chuan Nguri chungchang hetiang hian a sawi, "2020 Republic Day lawmnaah pawh Best Cadet zinga tel pha hial niin tunah hian *Simon Cacharo Award* Air wing huang chhunga chawimawina sang ber pawl dawng thei a ni. Amah hi mimal tak pawhin ka hrechiang a, a theihna leh thiamna te ka hmuhpuiin ropui ka ti takzet. Mizoram NCC tán mêl lung pawimawh tak a phun nual tawh a, State ang zawng pawhin kan hming tilang tu leh chhuanawma min siam tu a ni. Ka chhuang takzet a, a theihna leh thiamna te tipung zel a, Mizoram NCC tâna theih tawp chhuah zel a, a thlen chin aṭanga hma sawn thei turin duhsakna ka hlan mawlh mawlh bawk e," a ti a ni.




 ACHIEVEMENTS
1. AIVSC 2019 khan All India best firer a ni a, 1 Mizo Air Sqn NCC atanga AIVSC Best Firer ni thei hmasa ber a ni.  AIVSC (All India Vayu Sainik Camp) hi Air Wing bik a Camp sang ber ani a, Army Wing ah chuan TSC a tlukpui a, Naval wing lamah NSC. 
2. AIVSC a attend hnu lawkah Republic Day Camp(RDC) 2020 a attend leh a, AIVSC leh RDC attend kawp thei hmasa ber pathum zinga pakhat a ni a, tin RDC ah hian NER DTE Best Cadet Air Wing SW atan thlan a ni bawk a, Mizo zinga Air wing a Best Cadet ni thei hmasa ber a ni. 

3. AIVSC shooting a a chet that em avangin DG NCC Medallion a lo dawng tawh a, hei pawh hi an unit bik a dawng thei hmasa ber a ni a, Mizoram atang hian dawng an awm pawn an tam lo ang. 
4. 2020-21 chhunga 1 Mizo Air Sqn NCC Senior Wing CSUO atan thlan thar a ni a, 1 Mizo Air Sqn ah hian SD/SW institution 4 vel awm mek in, an din tirh atangin administration fel tak neiin unit SD and SW CSUO an awm mai thin a, hetia CSUO pakhat veve chauh awm hian nasa takin rank a ti zahawm tel bawk. ( CSUO - Cadet Senior Under Officer; Air Wing ah chuan rank prefix ah Cadet tih a tel vek thin).

Post a Comment

0 Comments