Mizoram Volleyball hruaitu VFI-ah mawhphurhna

Aizawl | December 28, 2020: Mizoram Volleyball Association (MVA) General Secretary ni lai C Lalrokhuma chu Volleyball Federation of India (VFI)-in Development & Promotion Committee member-ah a rawn ruat thar a. MVA hruaitu tho, Sr. Vice president ni lai Dr Lalmalsawma Nghaka chu VFI vice president ni mekin, Medical committee-ah covener a ni bawk.

C Lalrokhuma hi MVA a office bearer a nih bakah hian Mizo Zirlai Pawl (MZP) General Headquarters, Aizawl-ah adviser a ni mek a. MZP -ah hian 2003 atanga 2005 chhung khan president dinhmun a lo chelh tawh bawk a ni.

VFI hnuaiah hian committee peng pakua; referee committee, coaching committee, technical committee, beach council, disciplinary committee, age screening committee, medical committee, development & promotion committee, leh talent hunt committee te a awm a. Development & promotion committee-ah hian chairman leh convener bakah member pahnih an awm a, chung zingah chuan C Lalrokhuma hi a tel a ni.

Tin, medical committee-ah pawh Dr Lalmalsawma Nghaka chu convener a ni bawk.

MVA hruaitute HETAH hian dah a ni.