Lo vahnaah chesualin boral?

Aizawl | December 28, 2020: Khawruhlian khuaa Thangsuanliana chu vawiin dar 10:30 vel khan an lo vahnaaah an thing kihin a delh a, a hmunah hian a boral nghal niin thu dawn a ni.
Thangsuanliana hi kum 28 mi niin, Pu Engkhawliana fapa a ni a, Khawruhlian khaw mi an ni.
Thudawnnain a tarlan danin, Thangsuanliana hi Pu C Zomuana lo vat a hnathawk an ni a, an lo vahna hmun hi Khawruhlian ram chhung tunhma Vai camp thlang, Pu C Ronghaka huan thlen hma deuh a ni.
 Lo vat hian mi pathum an kal a. An thing kih pakhat chuan an thing kih tawh sa pakhat la tlu chiah lo chu hruai thla in thing dangah in la leu palhin, chu thing chuan Thangsuanliana hi a va ti palh ta a ni. A hna thawhpuite hian thing hian a delh nge, a vua nge, engtinnge a va khawih pawi dan an hre lo.
Thangsuanliana hian a taksaah hliam a nei lo a, a kawr hma lama a phone ah erawh a chhe hneh hle. An chet sual hian Liana hi a biak theihloh nghal a, thawk harsa a ti hle bawk. Minute 10 vel bawihsawm a nih hnuah a chatthla ta niin thudawnna chuan a tarlang.

Post a Comment

0 Comments